منتديات طلاب الجامعة العربية المفتوحة

منتديات طلاب الجامعة العربية المفتوحة (http://www.aoua.com/vb/index.php)
-   A123b (http://www.aoua.com/vb/forumdisplay.php?f=389)
-   -   خطوات سهلة جدا لحل واجب a123b من LoLo... (http://www.aoua.com/vb/showthread.php?t=212419)

LoLo1989 30-04-2010 12:47 AM

خطوات سهلة جدا لحل واجب a123b من LoLo...
 
1 مرفق
http://www6.0zz0.com/2010/03/10/16/237775711.gif

بوركت جهودك

المشرفة العامة

===


بسم الله الرحمن الرحيم


كيفكم يا حلوين ..



بما انه خلصت واجبي و انصدمت باخر لحظة انه اتأجل و تعبت :cry: بس الحمدلله على كل شي .. قررت انه اشرحلكم حل الواجب و المطلوب بالضبط بكل سؤال
+ مرفق فيه شرح المسرحية بشكل مختصر في العربي :[/size]





بس بليز بليز بليز بنات و شبااب الواجب انا رح احط متل ما انا حليت و متل ما انا فاهمة قبل ما تبلشوا الحل اسألو دكتوركم علشان ما تكون طريقتي غلط و تدعوا عليي و أموت :cry: حرام انا بعدني صغيرة :cry: :cry:






يلا بسم الله :[/COLOR
]





[color="Blue"]الـمـقـدمــــة :



- تـعـريـف بـسـيـط عـن Pygmalion .

-تـكـلـمـو عـن George Bernard Shaw's بـشـكـل بـسـيـط .

-تـوضـيـح انـه الـفقر كان بشكل كبير في هداك العصر و الناس صارت تلجأ لأي شغل مشان الرزق مثل ما لجات اليزا لبيع الورد .



الـسـؤآآل الأول :


- رح تقولو انه اليزا بدات تتعلم لما شافت كيف بيكرينغ مهتم فيها كتير و نحكي شوي صغيره عن بيكرينغ و نقول انها وين شافته و كيف سمعت هيغنز و هو بيقوله عن انه بيقدر يخلي اليزا من الطبقة الراقية و كيف هي فرحت لهالخبر



- لما راحت على بيت هيغنز مشان يدرسها و استقبلها هيغنز بشكل مو حلو و قال بيكرنغ الحنون صاحب الاسلوب المحترم و الرائع انه هو رح يدفع تكاليف هالتعليم ازا نجحت اليزا . و لما اجا ابوها بده ياخدها من بيته لـ هيغنز طبعا هو مو جاي مشان ياخدها لان خايف عليها بس لان عارف انه هيغنز عنده فلوس كتير و راح يقزرها عليه ===> يقزرها عليه يعني يضحك عليه و يعمل حاله معصب علشان يعطيه فلوس لووول و فعلا عرف يقزرها و اعطى هيغنز الى الاب فلوس و اشترى منه اليزا .



- و رح نحكي انها كيف هي ما نجحت و خسر بيكرنغ الرهان و عرفنا انها ما نجحت لما اجو فريدي و اهله زيارة عن السيدة هيغنز اجت اليزا و بلشت تحكي باسلوب مو راقي و تقلهم عن ابوها كيف قتل عمتها و انه بياخد جين ،،



-بس مع هيك وقت الحفل اللي كانو عاملينو نجحت اليزا و ما عرفت تحقق هالنجاح الا يوم الحفل بالضبط و انه كل الناس اعجبوا فيها و كان هيغنز بيعتقد انه ما حدا ممكن يعرف انه هالبنت من اصل مو راقي و من طبقة واطية لكن الشاب الذكي اللي اسمهNipomak عرف هالشي و قال للموجودين انها هالبنت مو انجليزيه و اعطى برهان بجملة بتقول انه** ما حدا بيعرف يتقن الانجليزي منيح الا اللي دارسه بس** she does not speak English well only those who have learned how they spoke".



-و رح نحكي انه اليزا تغيرت من الخارج بالشكل و اللغة لكن من الداخل متل ما هي لان الواحد مهما عمل و غير بحاله ما بيقدر يغير من اصله و دليل على هيك لما اجا فريديزيارة على منزل سيدة هيغنز و طلب منها فريدي انه يتمشوا في الحديقة رفضت بأسلوب مليق ===> مليق يعني مو حلو :ablow:




الــسـؤال الـثـانـي :



-بتحكو عن اليزا شو تعلمت.


-تعلمت انه كيف الاحترام بيكون و كيف استخدام الكلام الحلو و الاسلوب الحلو مع الناس بيكون احترام متل ما كان يعاملها بيكرنغ و يقول لها مس اليزا كانت تفرح كتير لما يقول هيك و طبعا في كلام قالته اليزا ل بيكرنغ بهالمعنى انه هي بتنبسط لما بيقلها مس اليزا بدكم تقتبسوا من الكتاب


- و كمان عرفت و كمان تعلمت الشعور بالعزة و الكرامة و انه الغرور و القساوة ما الهم مكانه بهالدنيا .



الـسـؤال الـثـالـث :




طبعا اغلبكم محتار فيه بهالسؤال يا حلوين :

- رح بتقولوا انه اليزا ادركت انه هي ما تعلمت من هيغنز ولا شي من الاداب الاجتماعية و ما تعلمت منه الا خلع الملابس و التزيين و الرقص و كان دايما يركز و يهتم في المظهر الخارجي فقط ، و لكن بيكرينغ هو اللي اثر في نفس اليزا و علمها كيف تتعامل مع البشر باحترام و انه لكل بشر حق .



-شكرت اليزا بيكرينغ و قالت له عبارة : ( طبعا هالعبارة اقتبسوها ):
"سـأكون دائما الفتاه بياعة الورد لـ هيغنز / لانه بيعاملني دائما كفتاه بياعة ورد / و رح يضل هيك على طول ، و لكن انت يا بيكرينغ رح اكون سيدة الك لانك دائما بتعاملني كـ سيدة و بتحترمني و رح تبقى هيك على طول "
دوروا وين هالجملة في الكتاب و اقتبسوها.



- و انه كلام ليزا عن الكلام السليم & الرقص بيثبت ان مهارات الرقص و الزينة و المنظر الخارجي مو شي كافي لاعطاء الشخص احترم و مو شي كافي يحسسها انها سيدة ...



الـخـاتـمـة :



- قولو انه هناك فرق كبير بين تعامل بيكرينغ و تعامل هيغنز و بسبب قساوة اسلوب هيغنز و غروره و حبه للمال و المظاهر رفضت اليزا انه يصير بينهم زواج .


- انها اليزا تعلمت انه الاحترام و الكلام الحلو هو اللي ممكن يضيفه الانسان لنفسه و يفتخر فيه ، اما الزينه و تغير اللهجة تزول بسرعة و بيرجع الواحد متل ما كان في يوم ما لان اصل الانسان ما بتغير مهما كان ...



أتوقع هيك انا حليتلكم الواجب لـووول يلا عيـشو بـس ما تنـسـونـي مـن دعـواتـكـم الـحـلـوة يـا حـلووووين .. :cry_1:





بس تعوا لهون : برجع و بقول اتأكدو اتأكدوا اتأكدوا قبل ما تحلو لان هادا حلي انا و اسلوبي انا و فهمي انا يعني اسألو قبل لا تحلو ولا تعملو كوبي بيست و افهمو اللي انا كاتبته و حطوه بطريقتكم علشان ما تكونوا كلكم متل الشي و تاخدو زيروا لا سمح الله ...


بالتوفيق للجميع ...


ادعولي انجح أوكي :ablow:


LoLo ...



:bye1:[/font][/right]

EMO PRINCESS 30-04-2010 01:55 AM

رد: خطوات سهلة جدا لحل واجب a123b من LoLo...
 
يسلمووووووووووووووووووو
انا كمان لما حليت و ضغطت نفسي تاجل:hammer:
يالله عشان اصحح الاخطاء و ارجع كويس

LoLo1989 30-04-2010 02:49 AM

رد: خطوات سهلة جدا لحل واجب a123b من LoLo...
 
مو مشكلة بسيطة ... ان شاء الله ربنا ما بيضيعلك تعب :)

موفقة:)

P!nk Flower 30-04-2010 03:12 AM

رد: خطوات سهلة جدا لحل واجب a123b من LoLo...
 
إضآفه بسيطه

ممكن تحتوي الخآتمه على رأينا الشخصي عن أهميه التعليم

و إننا مؤيدين أو معآرضين لـ كلآم إليزا



يعطيكِ العآفيه لولو

رآح أدعي لكِ .. لأنك سآعدتينا

:smartass:

LoLo1989 30-04-2010 03:28 AM

رد: خطوات سهلة جدا لحل واجب a123b من LoLo...
 
ميرسي pink flower و الله يعافيكي يارب ..

اها فعلا نسيت اقول انه ممكن نحط الرأي الشخصي بس انه بشكل بسيط يعني سطرين متل ما انا قلت مع سطرين من الرأي الشخصي بيصير تمآآم ان شاء الله

موفقة :)

توف أتري 30-04-2010 05:56 AM

رد: خطوات سهلة جدا لحل واجب a123b من LoLo...
 
يالولو يا جاااااااااااااااااااااااااااااااااااااامد

تسلم هالصوااااااابع خيتووووووو

غايتي جنتي 30-04-2010 05:58 AM

رد: خطوات سهلة جدا لحل واجب a123b من LoLo...
 
يعطيج العافيه لولو ماقصرتي


الله يوفقج ووييسر امرج وفالج الفل ماااااارك يارب =)

انا الحلا 30-04-2010 08:02 AM

رد: خطوات سهلة جدا لحل واجب a123b من LoLo...
 
مشكورة لول بس حابة الفت نظرك انه في تلخيص للقصة اكثر من تحليلها, وعلى حسب الدكتورة طلبت نحلل وتلخيص القصة لا يتجاوز سطرين,
الله يعطيكي العافية وضحكتي بشكل كامل, بس لو تراجعي وتقللي من دكر تفاصيل القصة عشانك
واتوقع انه محتاجين ندكر عن هيغينز والتغير اللي شفناه في اخر القصة لما راح لاليزا على بيت امها, لانه يعتبر نوع من التغير الاجتماعي اللي القصة بتتحدث عنه
والله يعطيكم العافية

LoLo1989 30-04-2010 08:03 AM

رد: خطوات سهلة جدا لحل واجب a123b من LoLo...
 
اقتباس:

يالولو يا جاااااااااااااااااااااااااااااااااااااامد

تسلم هالصوااااااابع خيتووووووو
افااااا عليكي بعجبك خيتو ،، علشان تعرفي لما لولو تحط عقلها براسها بتبدع هههههههه بالصدفة اجاني العقل عفكرة .. الله يسلمك هبولتي...



اقتباس:

يعطيج العافيه لولو ماقصرتي


الله يوفقج ووييسر امرج وفالج الفل ماااااارك يارب =)

الله يعافيكي غوغة .. و يسمع منك يااارب و اجمعين ان شاء الله ;) فديتج :biggrin23

LoLo1989 30-04-2010 08:09 AM

رد: خطوات سهلة جدا لحل واجب a123b من LoLo...
 
اقتباس:

مشكورة لول بس حابة الفت نظرك انه في تلخيص للقصة اكثر من تحليلها, وعلى حسب الدكتورة طلبت نحلل وتلخيص القصة لا يتجاوز سطرين,
الله يعطيكي العافية وضحكتي بشكل كامل, بس لو تراجعي وتقللي من دكر تفاصيل القصة عشانك
واتوقع انه محتاجين ندكر عن هيغينز والتغير اللي شفناه في اخر القصة لما راح لاليزا على بيت امها, لانه يعتبر نوع من التغير الاجتماعي اللي القصة بتتحدث عنه
والله يعطيكم العافية


تحليل معناها تجيبي المختصر المفيد للقصة و اهم الاحداث اللي صارت و طبعا اختصار الجزء اللي بيكون خاص في السؤال مو اي جزء نختصره و نحطه و كلامك مزبوط 100% بس الدكاتره ما قالو تحليل قالو انه جاوبي السؤال و اشرحيه و انا كتبت كل الاحداث لمجرد انهم يفهموها و يحطوا اللي فهموا باختصار و انا فهمت الجميع هالنقطة و برجع و بقلهم لا تحطوا نفس ما انا كاتبه بالضبط لكن افهموا و حطوا اللي فهمتوه .. و من ناحية تانية لازم المقال يكون 1200 كلمة و الاجابة على السؤال قصيرة و ازا اكتفيتي في الاجابة على السؤال فقط بدون ذكر شوية احداث رح تلاقي موضوعك ما وصل ال 500 كلمة و جربت هالشي لهيك لازم نحكي شوي عن القصة .. تسلمي حبيبتي على التوضيح و الله يعافيكي يا عسل .


موفقة

noooor777 30-04-2010 11:52 AM

رد: خطوات سهلة جدا لحل واجب a123b من LoLo...
 
يسلمووووو يا لولو الله يسعدك يارب وييسرك كل صعب

فرح سعادة 30-04-2010 01:55 PM

رد: خطوات سهلة جدا لحل واجب a123b من LoLo...
 
الله يعطيك العافية يا لولو، وربي ما يصيع تعبنا ولا تعبك ليش زعلانه الحمدالله خلصت من الواجب وارتحتي من همه، بس حابه اسألك من معلومة اذا كانت اليزا فعلا وقعت في حب هيجنز بس هو رقض الزواج منها لأن اصلها سوقي صحيحة هالمعلومة ولا لا هذي النقطة انا مترددة فيها ابغى اكتب وانا متأكدة
والله يعطيك العافية مرة ثانية وفالك الفل مارك يارب والجميع
على فكرة من وجهة نظري انك اجبتي على كل الأسئلة واستوفيتي كل النقاط المطلوبة
بالتوفيق للجميع

فرح سعادة 30-04-2010 02:26 PM

رد: خطوات سهلة جدا لحل واجب a123b من LoLo...
 
ابغى اعرف نكتب بصيغة الماضي والمضارع

فرح سعادة 30-04-2010 03:29 PM

رد: خطوات سهلة جدا لحل واجب a123b من LoLo...
 
أو المضارع


الساعة الآن 10:56 PM.

Powered by vBulletin® Version 3.8.1, Copyright ©2000 - 2019, Jelsoft Enterprises Ltd. TranZ By Almuhajir
جميع المواضيع والمشاركات تعبر عن وجهة نظر أصحابها
ولا تعبر باي شكل من الاشكال عن وجهة نظر منتديات AOUA