العودة   منتديات طلاب الجامعة العربية المفتوحة > منتديات المساندة والمساعدة > منتدى الأخبار الجامعية > أخبار فرع الكويت

إضافة رد
 
أدوات الموضوع انواع عرض الموضوع

قديم 15-09-2009, 11:22 PM   #1
مخملية مخملية غير متصل
مشرف سابق
 
الصورة الرمزية مخملية
مناقشة فضفضة جامعية


مساء الخير

تقبل الله طاعتكم جميعا

أول شي مبروك القبول سبق وتكلمنا فيه وايد والحمد لله وصلنا مرحلة التسجيل والسحب والإضافة وعديناها بخير ، وان شاء الله بعد العيد وبالتحديد بتاريخ 26 /9 /2009 راح نبدأ الكورس الدراسي و يارب تكون بداية موفقة للجميع


كل هالمقدمة علشان بقولكم اني حابة أفضفض معاكم اشوي ، يعني حابة أسولف وأنتوا اقروا مو شرط تردون على الموضوع بس يكفيني تقرونه للنهاية


طبعا أكيد سمعتوا وايد ناس تذم الجامعة والنظام والإدارة اللي فيها ويمكن تكونون سمعتوا ناس يمدحونها علشان جذي حبت انقل لكم تجربتي مع الجامعة كنوع من احقاق الحق والنصيحة

و بقولكم في حلقات عن كل جزء في الجامعة وشلون تتعاملون معاه وراح نبدأ من أول ما ندخل من باب الجامعة


الموظفين

بعضكم كان له تجارب فاشلة معاهم والبعض له ملاحظات جمة عليهم وتبون الصراحة أنا أول ما دشيت الجامعة كنت مثلكم
لاني وايد كنت اسئلهم وكله يقولون لي ما عندنا خبر لدرجة تعقدت من كثر ما سمعت هالكلمة بس لما مشيت اشوي في الدراسة وعرفتهم عدل عرفت اني كنت ظالمتهم وانهم فعلا موظفين أكثر من راقين ومتعاونين جدا

بس المشكلة كانت اني كنت أسال الشخص الخطأ في كل مرة

يعني موظف شؤون طلبة واسئله عن الأمور المالية أكيد بيقولي ما اعرف وإلا موظفة شؤون خريجين واسألها عن التسجيل والقبول منطقيا بتقولي ما اعرف

بتقولون ليش حاطينهم في الكاونتر عيل ؟
بقولكم ضغط العمل يخلي الكل يحاول يساعد باللي يقدر عليه، يعني بسبب الزحمة يصير موظف الخريجين يشتغل مع شؤون الطلبة علشان يسرع عجلة العمل وتمشي امور الطلبة من غير تأخير وهالأمر يشكرون عليه.

بس لما عرفت كل موظف فيهم شنو وظيفته وصرت ما اسأل إلا الشخص المناسب كنت دائما ألاقي الإجابة الشافية على كل اسئلتي

واللحين نيي لكيفية سؤالهم عن أي معلومة

حلفتكم بالله ، إذا كنتو موظفين تشتغلون في أي وزارة وياكم مراجع منفس والعصبية واضحه من عيونه شلون بتردون عليه ؟ بإتسامة ؟ طبعا لا
لان اكيد بتردون عليه بنفس اسلوبه لان الاسلوب معدي

بس لما ييكم مراجع الابتسامة تارسه ويهه ويطلب منكم توقيع معامله حتى لو المعاملة مو عندكم صدقوني بتقومون بنفسكم توقعونها له لأنه بدأ طلبة باتسامة

وهالشي ينطبق على موظفين جامعتنا ، يعني إذا سالتهم سؤال وأنت مبتسم ومقدر جهودهم تتوقع راح يقولك ما ادري أو الأمر مو عندي ؟ وحتى إذا قالها تتوقع بيقولها بعصبية ونرفزة ؟ أكيد لا

وبهالمناسبة احب اذكركم بحديث الرسول صلى الله عليه وسلم :"إن الرفق ما كان في شيء الا زانه وما نزع من شيء إلا شانه"


وعلى قولت أبوي حلي لسانك وكل الناس خلانك ، لغير الناطقين بالكويتية يعني خلي لسانك حلو مع الكل وبتلاقي الكل يحبك ويساعدك


كافي عليكم الموظفين اليوم وباجر بكمل لكم عن الاكاديمين وباجي الأمور الجامعية

إلى اللقاء في الحقلة القادمة


التعديل الأخير تم بواسطة هـارب من الأحباب ; 18-03-2011 الساعة 09:15 PM



التوقيع

مخملية غير متصل   رد مع اقتباس
قديم 15-09-2009, 11:31 PM   #2
GueSS.q8 GueSS.q8 غير متصل
طالب مميز
 
الصورة الرمزية GueSS.q8

 











افتراضي رد: فضفضة جامعية


مخمليهـــ..
فديتــــــــــــــــج
معاآاآج بكل كلمه كتبتيها..

بانتظار الياي..
تحياتي



التوقيع

اللهم صل على محمد وآل محمد
GueSS.q8 غير متصل   رد مع اقتباس
قديم 16-09-2009, 01:11 AM   #3
ليمون مينون ليمون مينون غير متصل
طالب جديد

 









افتراضي رد: فضفضة جامعية


يعطييج العاافيه مخمليه
بس لو انه الحلقه طالعه بالتلفزيون والطلبه يشوفونها عالتلفزيون جان استفادو اكثر
لووووووووووول مشكووره مخمليه ويعطيج مليون عافيه
ليمون مينون غير متصل   رد مع اقتباس
قديم 16-09-2009, 01:39 AM   #4
sad2005 sad2005 غير متصل
طالب نشيط
 
الصورة الرمزية sad2005

 











افتراضي رد: فضفضة جامعية


موضوع رائع
وجهد مشكورة عليه
أختي مخملية



التوقيع

طالب دراسات عليا





sad2005 غير متصل   رد مع اقتباس
قديم 16-09-2009, 03:27 AM   #5
A.el A.el غير متصل
طالب فعال
 
الصورة الرمزية A.el
افتراضي رد: فضفضة جامعية


وانتي كذا مشكوره
A.el غير متصل   رد مع اقتباس
قديم 16-09-2009, 04:13 AM   #6
ولد الفضلي ولد الفضلي غير متصل
طالب جديد

 










افتراضي رد: فضفضة جامعية


والله مشكوره اخت مخمليه يلا نبي نترقب الحلقه القادمه



التوقيع

الحمدلله اني فضلي
ولد الفضلي غير متصل   رد مع اقتباس
قديم 16-09-2009, 06:13 AM   #7
S&J S&J غير متصل
طالب جديد

 









افتراضي رد: فضفضة جامعية


اختي مخملية الله يجزاك خير على الكلام الطيب وأحلى الكلام حديث الرسول صلى الله عليه وسلم

موضوعك جدا مفيد للجميع .. تصدقين اني استفدت من كلامك ...لكن مو للجامعه ... لحياتي الخاصه...

حديث الرسول صلى الله عليه وسلم عارفته لكن سبحان الله إن الذكرى تنفع المؤمنين ...

وعجبني مثل الوالد الله يطول بعمره ويخليه لكم ( حلي لسانك وكل الناس خلانك )


شكرا من القلب
S&J غير متصل   رد مع اقتباس
قديم 16-09-2009, 07:39 AM   #8
al-3jmi81 al-3jmi81 غير متصل
طــالب
 
الصورة الرمزية al-3jmi81

 











افتراضي رد: فضفضة جامعية


يعطيج العافيه اخت مخمليه بصراحه الحق ينقال بس انا عندى تعقيب على كلامج يا اختنا الفاضله ان الكمال لله ولايمكن يكون فيه شى كامل بالدنيا فى كل شى يوجد سلبيات وايجابيات وانتى شبهتى الجامعه كالملاك الصغير الذى لايخطئ بصراحه مو انا وبس اللي يقول الكل يقول ان الجامعه شبهوها بالجبره ومستودعات تخزين والكل يدلو بدلوه بالكلام هذا بالنسبه للمبنى المتهاكل ان صح التعبير اما بالنسبه للاليه فى التسجيل ورفع اسعار المواد على كلام الاخوه الاقدم منا هناك فرق عن العام الماضى بصراحه اخت مخمليه انا بديت اشك فى الوضع مانتحدث عن الجامعه او ننتقدها الا وقد نرى الدفاع منك بشكل مستميت انا احب اوصل وجهتى نظرى وهذى وجهة نظر يمكن تتقبلينها او ماتتقبلينها تظل وجهة نظر مع فائق الاحترام والتقدير لشخصك الكريم انا انتقد الاداء وليس شخصانيه ولايمكن ان انكر ماتقدمينه من خدمات جليله و كبيره جدأ وهذا الشى يحسب لكى كاجر وثواب من رب العالمين تحياتى لكم

التعديل الأخير تم بواسطة al-3jmi81 ; 16-09-2009 الساعة 07:41 AM سبب آخر: خطا
al-3jmi81 غير متصل   رد مع اقتباس
قديم 16-09-2009, 11:00 AM   #9
مخملية مخملية غير متصل
مشرف سابق
 
الصورة الرمزية مخملية
افتراضي رد: فضفضة جامعية


اقتباس:
المشاركة الأصلية كتبت بواسطة GueSS.q8 مشاهدة المشاركة
مخمليهـــ..
فديتــــــــــــــــج
معاآاآج بكل كلمه كتبتيها..

بانتظار الياي..
تحياتي
فديت من تفداني
انتظريني في الحلقة القادمة


اقتباس:
المشاركة الأصلية كتبت بواسطة ليمون مينون مشاهدة المشاركة
يعطييج العاافيه مخمليه
بس لو انه الحلقه طالعه بالتلفزيون والطلبه يشوفونها عالتلفزيون جان استفادو اكثر
لووووووووووول مشكووره مخمليه ويعطيج مليون عافيه

يعافيك ويزيدك عافية
في مشروع لانتاج الحلقات تلفزيونياً بس للحين ما اتفقنا على من سيتصدى للبطولة فيها



اقتباس:
المشاركة الأصلية كتبت بواسطة sad2005 مشاهدة المشاركة
موضوع رائع
وجهد مشكورة عليه
أختي مخملية
شكرا من ذوقك
مجرد فضفضة لا تحملها اكثر مما تحتمل

تابعنا في الحلقات المقبلة ستتأزم الامور ثم تنفرج وتعقد العقد ثم تحل <<< صدقت نفسها انها مسلسل



اقتباس:
المشاركة الأصلية كتبت بواسطة A.el مشاهدة المشاركة
وانتي كذا مشكوره

الشكر لله
القادم سيعجبك أكثر ان شاء الله



اقتباس:
المشاركة الأصلية كتبت بواسطة ولد الفضلي مشاهدة المشاركة
والله مشكوره اخت مخمليه يلا نبي نترقب الحلقه القادمه
الشكر لله
ان شاء الله في نفس موعد اذاعة الحلقة الاولى سيتم اذاعة الحلقات التالية << ترى صج بديت اصدق عمري



اقتباس:
المشاركة الأصلية كتبت بواسطة S&J مشاهدة المشاركة
اختي مخملية الله يجزاك خير على الكلام الطيب وأحلى الكلام حديث الرسول صلى الله عليه وسلم

موضوعك جدا مفيد للجميع .. تصدقين اني استفدت من كلامك ...لكن مو للجامعه ... لحياتي الخاصه...

حديث الرسول صلى الله عليه وسلم عارفته لكن سبحان الله إن الذكرى تنفع المؤمنين ...

وعجبني مثل الوالد الله يطول بعمره ويخليه لكم ( حلي لسانك وكل الناس خلانك )


شكرا من القلب
فديتهم والله اللي فهموا ما وراء الكلام هذا المطلوب يا قلبي
المفروض يكون مبدأ حياة مو بس للجامعة

جزاج الله كل خير على الدعوة وابوي يقول ولكِ مثلها يارب




اقتباس:
المشاركة الأصلية كتبت بواسطة al-3jmi81 مشاهدة المشاركة
يعطيج العافيه اخت مخمليه بصراحه الحق ينقال بس انا عندى تعقيب على كلامج يا اختنا الفاضله ان الكمال لله ولايمكن يكون فيه شى كامل بالدنيا فى كل شى يوجد سلبيات وايجابيات وانتى شبهتى الجامعه كالملاك الصغير الذى لايخطئ بصراحه مو انا وبس اللي يقول الكل يقول ان الجامعه شبهوها بالجبره ومستودعات تخزين والكل يدلو بدلوه بالكلام هذا بالنسبه للمبنى المتهاكل ان صح التعبير اما بالنسبه للاليه فى التسجيل ورفع اسعار المواد على كلام الاخوه الاقدم منا هناك فرق عن العام الماضى بصراحه اخت مخمليه انا بديت اشك فى الوضع مانتحدث عن الجامعه او ننتقدها الا وقد نرى الدفاع منك بشكل مستميت انا احب اوصل وجهتى نظرى وهذى وجهة نظر يمكن تتقبلينها او ماتتقبلينها تظل وجهة نظر مع فائق الاحترام والتقدير لشخصك الكريم انا انتقد الاداء وليس شخصانيه ولايمكن ان انكر ماتقدمينه من خدمات جليله و كبيره جدأ وهذا الشى يحسب لكى كاجر وثواب من رب العالمين تحياتى لكم

ياربي على نقد المسلسلات من اولها اصبر خل يكمل المسلسل وتالي قول نقدك

المواضيع اللي تتكلم بسلبية عن الجامعة ترس القسم وحتى برى المنتدى بتسمعها بس ندرة فقط اللي يقول كلمة الحق والا يمدح شخص تعامل معاه بشكل راقي ، وهذا مقصدي من هالفضفضة الايجابيات فقط لانكم ماراح تسمعون بالجامعة الا السلبيات لان في ناس وايد تشرب من البير وترمي الحجر فيه ولدرجة صرت لما اقول كلمة حق في اي شخص من الموظفين يكون الرد بس انتي لان حظج حلو والمشكلة انا اسوء حظ في الدنيا يعني المسألة مو حظ مجرد مبدأ ماشية عليه والحمد لله للحين آتي بنتائجه.

لا تشك انا اقولها لك صريحة قبل لا تسمعها من غيري، الجامعة دافعة لي فلوس علشان ادافع عنها وامدحها يسوون لي تخفيض كل كورس بدليل ال600 دينار اللي دفعتها امس رسوم الكورس الياي

تابع باجي الفضفضة بس ما اوعدك إلا بالايجابيات لاني بحياتي ما اتكلم بسلبية عن شي انا جزء منه لان وجودي في اي مكان يحليه <<<
مخملية غير متصل   رد مع اقتباس
قديم 16-09-2009, 11:25 AM   #10
هـارب من الأحباب هـارب من الأحباب غير متصل
مشرف أخبار فرع الكويت
 
الصورة الرمزية هـارب من الأحباب
افتراضي رد: فضفضة جامعية


يعطيج العافيه اختي مخمليه بصراحه ياريت الجامعه تشوف الي تقولينه
وهمن بعد حلوه الدفعه المعنويه منج ياختي
وان شاء الله نكون قدها ونبيض الويه
وعموما مافي شي كامل بهالدنيا لكن الاخذ والعطا مطلوب وين ماكان
وصعب ان نمشي غيرنا على طباعنا او نقول ليش مو من اطباعنا ونتذمر ونتشكا وغيره
لكن مثل ماذكرتي اختي الغاليه مخمليه الرفق والييين والكلمه الحلوه تسوى كل شي
وتخلي الي جدامك يقولوك ياعيوني
انزين المسلسل مخمليه إخراج منو



التوقيع

عُدل من قِبل الادارة
هـارب من الأحباب غير متصل   رد مع اقتباس
قديم 16-09-2009, 02:28 PM   #11
SmaLL^SmiLE SmaLL^SmiLE غير متصل
طــالب
 
الصورة الرمزية SmaLL^SmiLE

 











افتراضي رد: فضفضة جامعية


موضوع ممتاز من ((نحلة القسم)) الاخت مخملية
يعطيج العافية عالموضوع الشيق وبننتظر انشالله الحلقة الياية واكثر الاشخاص اللي راح يستفيدون من الموضوع هذا اهما الطلبة المستجدين وانشالله ادارة الجامعه تشوف هالموضوع وتغير بعض من السياسات اللي تسويها مع الطلبة
ولو تشوفون الاقسام الثانية ما فيه نفس هالفكرة فا نقول good luck للاخت مخملية و keep it up

ملاحظه : صج يقولون وقعتي مع قناة الوطن حصريا >>مؤلف اشاعات

التعديل الأخير تم بواسطة SmaLL^SmiLE ; 16-09-2009 الساعة 02:30 PM



التوقيع

قد تكون مجرد شخص عادي في هذا العالم لكنك " لشخص ما " أنت العالم كله


SmaLL^SmiLE غير متصل   رد مع اقتباس
قديم 16-09-2009, 02:41 PM   #12
IRAQ IRAQ غير متصل
طالب مميز
 
الصورة الرمزية IRAQ

 











افتراضي رد: فضفضة جامعية


ذكرتيني .. بالقرد بعين امة غزال !!


والله يا اختى مايفيد وياها لاطب ولامكياج , جامعتنا بموظفينها ومسؤليناودكاترتها اهي اهي من اول ماعرفناها ..
بالنسبة للحلقة الاولى من المسلسل برايي انج فعلا محظوظة , لان بايام الضغط وحتى بايام الدراسة العادية صعبه تلاقين اجابة شافية لكل تساؤل عندج بالعكس تخبط بكل شي وعشوائية واضحة ومستمرة وتعسفات صريحة مع الطلبة لا ارشاد واضح ولا قرار واحد وكل يوم قانون , فلاتحاولين تبررين او تخلقين ايجابيات اهي بالواقع في قمة الندرة .

الهارب . الكمال لله نعم و لكن المفترض انها جامعه وعندها قوانين ولوائح ونظم لذلك لابد انها تكون بقمة الكمال واللانقصان ولا شيفرقها عن الجبرة او المخبز !!

نسال الله الفكة السريعه وهم نترقب الحلقة الثانية ( اللى بتمدحينهم فيها بعد )



التوقيع

ذات يوم فكرت بعمق .. اصبت بجلطة !!

IRAQ غير متصل   رد مع اقتباس
قديم 16-09-2009, 07:52 PM   #13
bashar74 bashar74 غير متصل
طــالب
 
الصورة الرمزية bashar74

 










افتراضي رد: فضفضة جامعية


شكرا مشرفتنا المبدعة مخملية

موضوع رائع جدا . وحقيقة كلام سهل بسيط يمكن اعتباره منهج حياة مثل ما قلتوا

والعجيب أني اليوم مريت بموقف مشابه وتوني قريت الكلام لقيته مطابق للي شفته اليوم

بانتظار الحلقة الثانية من الموضوع وسوف أتابعه بشغف


شكرا



التوقيع

bashar74 غير متصل   رد مع اقتباس
قديم 16-09-2009, 08:18 PM   #14
ميموتا ميموتا غير متصل
طــالب
 
الصورة الرمزية ميموتا

 











افتراضي رد: فضفضة جامعية


يعطيج العافيه موضوع رائع



التوقيع

..استغفرلله واتوب إليه ..
ميموتا غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:09 AM.


Powered by vBulletin® Version 3.8.1, Copyright ©2000 - 2020, Jelsoft Enterprises Ltd. TranZ By Almuhajir
جميع المواضيع والمشاركات تعبر عن وجهة نظر أصحابها
ولا تعبر باي شكل من الاشكال عن وجهة نظر منتديات AOUA
تصميم وتطوير : التكنولوجيا الماسية