العودة   منتديات طلاب الجامعة العربية المفتوحة > منتديات المساندة والمساعدة > قسم التوظيف

موضوع مغلق
 
أدوات الموضوع انواع عرض الموضوع

قديم 08-02-2015, 03:44 AM   #1
AOUGURU AOUGURU غير متصل
مشرف قسمي الخريجين و الماجستير & التوظيف
 
الصورة الرمزية AOUGURU
إضاءة قصص كفاح (من هنا وهناك).



القصه التاليه منقوله و يرويها صاحبها ولد مكة عاطل فيقول:

بسم الله الرحمن الرحيم
السلام عليكم ورحمة الله وبركاته
كيفكم اخباركم كيف صحتكم حبيت أعطيكم قصة كفاحي في حياتي راح أقولكم
تخرجت من الثانوي عامة عام 1429 كان يوم الثلاثاء،جلست عاطل لمدة 3 شهور وإنا ابحث عن مستقبلي وعن شي يناسبني وكل جهودي راحت بفشل.
كانت عندي عدد مشاكل إلي هي : البطالة , شهادتي إلي كانت معلقه في مدرسه أهليه حتى اني دفعت فلوس وطلعت شهادتي والحمد لله.
لم أسلمت شهادة في يدي بدت أتحرك أروح و ادرو مكان أتعلم فيه وكنت ابحث بملفي من شركة الي شركة من موقع الي موقع زعلت على نفسي كثير كانت عندي أحلام إني أصير مضيف جوي او مدرسة تربية فنية او موظف في الخارجية.
والي الآن احلم وان شاء الله ربي يحقق لي.
قبل لا أبدء في قصة راح أقولكم عن تجربه علمتي كيف اعتمد على نفسي (وكان عمري 17 سنة وافتكر ان اشتغل اول شغل في الحج موسسة جنوب شرق أسيا للخدمات الحج كان العمل مؤقت بس في موسم هههههههه عارفين ليش دخلت الموسسة واشتغلت فيها ماتصدقوا طيش أولاد كنت ابي اشتري جوال لي عجبني وقررت اني ادخل واشتغل كانت تجربه حلو اول مره استلم شيك ههههه بقيمة 2500 ريال حركات بس الحمد لله تعلمت الشغل بشكل ممتازة الحمد لله تركت بصمه حلوه في شغلي والي الموظفين هناك يتذكروني)
عد شهور وانا البطالة طالعت علي في يوم من الأيام كلمني ابوي انو يعرف واحد من معارف العائلة كان دائما يتكلم عنه الله يذكر هذا الرجل بكل خير الي هو الدكتور محمد عبده يماني رجل يسعى للخير الله رحمه.
في ايامه كان دكتور شغال في برج دله البركة بجدة طلعنا انا و ابوي عشان اقدم ملفي كنت فرحان مره اني اشوف شي من الأمل القريب وكنت اتمنى اشتغل مع الدكتور معه بس الله مااراد قابلت الدكتور في مكتبه وجلست معه رجل حبوب جدا محترم مابخل علي بشي ساعدني قال لي ياولدي تبغ تدخل الجامعة ندخلك على حسابنا اذا تبغ تشتغل معنا بس ماعندك سيارة
حتى تطلع الي جدة ماعندك مكان هنا زعلت قلت في نفسي ليش كذا حظي ....!!!!؟
قام قال لي : عندي صديق لي في مكة عنده شركة تبع مخابز أسمو أحمد هاشم بدر للمخابز قال لي جرب وادخل عنده واذا ماعجبك تعال عندي وراح ادور عليك وظيفة حلوه.
قلت طيب ورحت قدمت عند شركة بدر للمخابز واكنت اول وظيفة عندهم اني اشتغلت في قاعة بدر للحفلات لمدة 3 شهور وبعدها انتقلت الي قسم المخابز كنت مشرف في القاعة وكمان في المخبز
وبعدها عدد 3 شهور تخيلوا جاني فصل تعذري منهم بعد التعب و الجهد
زعلت كثير مره قلت ليش كذا ماقدرت اخذ حقي عشان ماكان في يدي العقد خلال الشهور ماكنت اعرف كيف اشتكي او اخذ حقي بس خليت على الله في كل شي الي سويته.
وبعدها جلست اكثر من شهر كان في ملتقى توظيفي بمكة كان في عدد شركات كثيره تعرفوا كان ناقص فيني الخبره و اللغة الإنجليزي سبحان الله حطيت cv لي عدد شركات وانتظرت و جاء اليوم الي ما كنت اتوقع انو حياتي تتغير بعد الله اتصلوا على معهد الأكاديمية السعودية الدولية للسياحة و الفندقية العالي للتدريب رحت مع الصباح وقلت ربي سهل امري والحمد لله توفقت اني دخلت هذا المعهد اخترت قسم خدمات الفندقية للأغذية و المشروبات مقدم طعام طبعا هذا كان مدعوم من قبل الصندوق الخيريه و شركة حسين هاشم العطاس تبع قاعات و مطاعم ليلتي بجدة درست في المعهد سنة ونصف كنت من الدفعة الأولى المتفوقين بس عارفين قبل لا ادخل المعهد وجهت مشاكل قد شعر راسي من اهلي واصحابي كانوا يضحكوا علي قالوا في نهاية مقدم طعام في مطعم قلت لهم انا عندي طموح وحلم أبي أوصل له.
الحمد لله بنيت أرادتي من حديد وكملت ولا سمعت كلم اهلي ولا اي احد وتخرجت من المعهد مع امتياز مع مرتبة الشرف وطلعت صوري في الجريدة عكاظ وكمان عندي فيلم وثائقي عن مهنتي الي تعلمتها ما أنسى في كل شي الله عزوجل في كل نجاح كانت نسبتي 90 % وريت أهلي وقلت لهم شوفوا انا وين وصلت ومن فين متخرج وين اشتغل في أفضل شركة بجدة
كنت افتخر اني اشتغل في مهنة هذي مقدم طعام في شركة مطاعم وقاعات ليلتي بتحديد مطعم بيبلوس جدة الحمراء سنتين تعرفوا اول ما اشتغلت هههههه ماكنت اعرف انجليزي مره بفضل الله تعلمت من العمال الأجانب 3 شهور والحمد لله أكتب واحدث اللغة انجليزي مع الضيوف المطعم كانوا يجوا عندنا كبار الشخصيات وفناني وبعدها نقلت على قاعة ليلتي كانت اول تجربه في كيف التعامل و التنسيق في الحفلات و الموتمرات كانت القاعة فخمه تعلمت شي كثير حتى اللغة تتطورت عندي بشكل كبير الحمد لله بس كانت في عدد مفاجآت في شغلي انو الراتب مازل 3300 ريال من ايام المطعم كنت أحاول اني اجتهد حتى اثبت وجودي في شغلي بس مافي إي نتيجة لا زيادة في الرواتب ولا شي تخيلوا كنت طالع من مكة الي جدة يومين.
وقررت أني اقدم استقاله من الشركة بعد ماكلمت عندهم 3 سنوات بدون أي تقدري ولا احترام من جد في ذاك الوقت حسيت كان اصعب قرر بحياتي وبعدها قدمت فندق موفمبيك برج هاجر بمكة المكرمة عارفين لم جيت أخذ حقوقي من قاعة ليلتي رفضوا يعطوني بسبب ورقة تافه أخذتها منهم عشان اقدم على قرض من بنك قلت لهم اتصلوا على بنك واستفسرو منهم قالوا لي مانقدر انت تفاهم مع البنك ؟؟؟؟؟!!
وبعدها رحت اشتكيت مكتب العمل واخذت حقوقي منهم والحمد لله وبعدها كملت اجراءت تبع فندق بمكة واشتغلت عنهم مقدم خدمة غرفة (Room service) لمدة 3 شهور الحمد لله تعلمت اشياء كثيره وكنت قريب من الحرم يالله كان شعور حلوه لم كنت اصلي صلاة الجمعة في الحرم بعد الشغل بصراحه انا مرتحت هناك وسبب الأجانب هناك مسوين عنصريه بذات برماويه الي كانوا يشتغلوا بدون أي خبره ولا أي شي ماكانوا يعرفوا اساس الشغل وحاولوا يضايقوني كثير عشان اني سعودي واشتغل معهم بس انا عن نفسي مااحب العنصرية ولا أي شي منها بس هم الي بدوء في بداية من هذا الوقت ابحث على مكان ثاني افضل الي مااكرمني الله اني اقبلت في شركة الشايع الدولية التجارية بجدة تحت ماركه مطعم ايهوب بجدة اذا سمعته عنه
رحت الصباح عشان اعمل المقابلة الشخصية ونجحت فيها وظيفتي كانت مضيف مطعم (Host Restaurant) براتب 5000 ريال مع مميزات مع خصومات للماركات العالمية 30% وبدأت في شهر رمضان وتعلمت شي كثير زي كيفية حسن التقديم مع الزباين وتحسن اللغة انجليزي مع الخبره مع الناس وكسبت كثير منهم كنت مبسوط والحمد لله كان دوام في صباح حتى المساء 5 وكملت 4 شهور على اخر الشهور جاني اتصال من احد زملاء المعهد وانا كنت في الدوام قال لي عندي لك فرصه وظيفه حلوه في مجال الشحن الجوي قلت اشرح لي اكثر قال الشركة هي ألمانيا اسمها Lufthansa بجدة في قسم الشحن قلت طيب ورحت اسوي المقابلة الشخصية اطلعت على مميزات حلوه الراتب 7000 ريال يومين اجازة وتامين طبي مستوى vip للعائلة وتذاكر مجانا وتحفيز كل شهر 7 يعطوني 1000 ريال وتدريب على مدار العام في ألمانيا او في دبي او سدني قبلها كنت في مطعم ماكان عندي اجازة الي يوم واحد.
اخذت من عندي اجازه من مطعم حتى اجلس افكر أيش الي اختاره وكان اهم قرار وبعد اسبوع قررت اني اقدم استقالة من شركة الشايع ورحت الي شركة خطوط ألمانيا الجوي للشحن والحمد لله عندي تدريب ان شاء الله لي ألمانيا او دبي خلال اشهر المقبله .
تعلمت اني اوصل لي نجاحي مهما كانت صعبه.
__________________________________________________ _______________________

ملاحظه: القصة قد تحتوي على بعض الكلام الغير مقبول ولكن امانة النقل تقتضي عدم تغيير اي شيء فيها. وكما يقال: "ناقل الكفر ليس بكافر". وهذه مقوله من لا يعرفها فليبحث عن معناها اذا لم يفهمه.

مصدر القصة : منتدى البطالة

التعديل الأخير تم بواسطة AOUGURU ; 08-02-2015 الساعة 03:50 AM



التوقيع

قال أبو الأسود الدؤلي:
حسدوا الفتى إذ لم ينالوا سعيه × فالناس أعداءٌ له وخصومْ

وقال المعري:
إنِّي وإنْ كنتُ الأخيرَ زمانُه × لآتٍ بما لم تستطعْهُ الأوائلُ
AOUGURU غير متصل  
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:38 PM.


Powered by vBulletin® Version 3.8.1, Copyright ©2000 - 2018, Jelsoft Enterprises Ltd. TranZ By Almuhajir
جميع المواضيع والمشاركات تعبر عن وجهة نظر أصحابها
ولا تعبر باي شكل من الاشكال عن وجهة نظر منتديات AOUA
تصميم وتطوير : التكنولوجيا الماسية