العودة   منتديات طلاب الجامعة العربية المفتوحة > منتديات المساندة والمساعدة > منتدى الأخبار الجامعية > أخبار فرع الكويت

إضافة رد
 
أدوات الموضوع انواع عرض الموضوع

قديم 18-09-2009, 03:51 AM   #29
ولد الفضلي ولد الفضلي غير متصل
طالب جديد

 










افتراضي رد: فضفضة جامعية


وينج يامشرفتنا الغاليه اليوم نطرنا الحلقه بس مااطلعت عسى ماشر عسى المانع خير طمنينا



التوقيع

الحمدلله اني فضلي
ولد الفضلي غير متصل   رد مع اقتباس
قديم 18-09-2009, 06:16 AM   #30
SmaLL^SmiLE SmaLL^SmiLE غير متصل
طــالب
 
الصورة الرمزية SmaLL^SmiLE

 











افتراضي رد: فضفضة جامعية


اقتباس:
المشاركة الأصلية كتبت بواسطة al-3jmi81 مشاهدة المشاركة
وانشالله اشوفج خريجه وهديتج عندى كورولا مدويل السنه لووول
كورولا عاد و بعد ((مدويل)) السنة كاااااااااك لوووول



التوقيع

قد تكون مجرد شخص عادي في هذا العالم لكنك " لشخص ما " أنت العالم كله


SmaLL^SmiLE غير متصل   رد مع اقتباس
قديم 18-09-2009, 07:48 PM   #31
al-3jmi81 al-3jmi81 غير متصل
طــالب
 
الصورة الرمزية al-3jmi81

 











افتراضي رد: فضفضة جامعية


قويه البدليه عادى ههههههههه
al-3jmi81 غير متصل   رد مع اقتباس
قديم 23-09-2009, 07:47 AM   #32
مخملية مخملية غير متصل
مشرف سابق
 
الصورة الرمزية مخملية
افتراضي رد: فضفضة جامعية


[quote=Najwan Hanim;2629525]
اقتباس:
المشاركة الأصلية كتبت بواسطة مخملية مشاهدة المشاركة
الجامعة العربية المفتوحة فرع الكويت
بس من وجهة نظر من ينظرون لنصف الكأس المملوء قبل ان ينظرو لنصفه الفارغ




،مخملية ،

وآنا أعتبر الكأس مملوء لثلاثة أرباعه بعد ، لانصاف الجامعة : !
الحمد لله كنت قد بدأت بالاحساس بأني الوحيدة المتفائلة في الجامعة



اقتباس:
المشاركة الأصلية كتبت بواسطة al-3jmi81 مشاهدة المشاركة
هههههههههههههههههه على اختلافتنا هذى كلها بس انا اقول انا نتفق على شى واحد انه انتى عضو نشط جدأ وخدماتج مانستغنى عنها انا عن نفسى ختمت على الموضوع وجزاج الله الف خير وانشالله اشوفج خريجه وهديتج عندى كورولا مدويل السنه لووول

شكرا كلك ذوق
سبق وقلت لك الخاتمة بتركها مفتوحة لكل زميل وزميله يختمها حسب ما يرى ودامك ختمت على الموضوع لهنيه
عيل اكرام النفس هواها

بالتوفيق



اقتباس:
المشاركة الأصلية كتبت بواسطة ولد الفضلي مشاهدة المشاركة
وينج يامشرفتنا الغاليه اليوم نطرنا الحلقه بس مااطلعت عسى ماشر عسى المانع خير طمنينا

كاني
اعتذر كانت عندي اشوية ظروف راح تعرفونها في تقديم الحلقة القادمة ، اليوم بالليل ان شاء الله



التوقيع

مخملية غير متصل   رد مع اقتباس
قديم 23-09-2009, 08:31 AM   #33
al-3jmi81 al-3jmi81 غير متصل
طــالب
 
الصورة الرمزية al-3jmi81

 











افتراضي رد: فضفضة جامعية


ياهلا مخمليه مشرفتنا اللي تضبطنا كل عام وانتى بخير ويقولون انتى اكثر وحده حصلت عيادي بالعيد صج لول
al-3jmi81 غير متصل   رد مع اقتباس
قديم 24-09-2009, 05:20 AM   #34
مخملية مخملية غير متصل
مشرف سابق
 
الصورة الرمزية مخملية
افتراضي رد: فضفضة جامعية


اقتباس:
المشاركة الأصلية كتبت بواسطة al-3jmi81 مشاهدة المشاركة
ياهلا مخمليه مشرفتنا اللي تضبطنا كل عام وانتى بخير ويقولون انتى اكثر وحده حصلت عيادي بالعيد صج لول
هلا فيك زود
وانت بصحة وسلامة

لا والله بالعكس اقل وحدة كل ما حصلت عيدية ييني ولد اخوي ويقول عميمه بشتري سيارة هاتي عيديتج اجمعها لج عندي ما خلى على داري دار في نهاية العيد اكتشفت ان ما عندي ولا فلس حتى فلوسي قبل العيادي اخذهم
مخملية غير متصل   رد مع اقتباس
قديم 24-09-2009, 05:55 AM   #35
al-3jmi81 al-3jmi81 غير متصل
طــالب
 
الصورة الرمزية al-3jmi81

 











افتراضي رد: فضفضة جامعية


اقتباس:
المشاركة الأصلية كتبت بواسطة مخملية مشاهدة المشاركة
هلا فيك زود
وانت بصحة وسلامة

لا والله بالعكس اقل وحدة كل ما حصلت عيدية ييني ولد اخوي ويقول عميمه بشتري سيارة هاتي عيديتج اجمعها لج عندي ما خلى على داري دار في نهاية العيد اكتشفت ان ما عندي ولا فلس حتى فلوسي قبل العيادي اخذهم
ههههههههههههههههههههههههههه ياحرام
al-3jmi81 غير متصل   رد مع اقتباس
قديم 24-09-2009, 11:32 AM   #36
مخملية مخملية غير متصل
مشرف سابق
 
الصورة الرمزية مخملية
افتراضي رد: فضفضة جامعية


عدنا والعود احمد


أول شي أعتذر عن فترة الانقطاع كان عندنا ضيوف من العيار الثقيل ( عميمه يايه من السعودية وهذي أول مرة تيي من 4 سنوات وآخر مرة يات كانت في ظروف جداً سيئة في بيتنا يعني كنت احاول اعوض الوقت اللي طافلي معاها )


المهم مالكم بالطويلة << على فكرة ابوي يسلم عليكم


تقبل الله طاعتكم وكل عام والجميع بخير

باجي يومين ونبدأ العام الدراسي الجديد ويارب تكون بداية موفقه لنا كلنا اللي جدوله حلو يارب ييب في كل مواده الA واللي مثل حالتي جدوله داش انتحاري يارب ما ينزل معدله ومن اللحين اقولكم لحد يجازف ويسوي مثلي 3 مواد تخصص من العيار الثقيل وربي خايفه من صج الكتب شكلهم يخوف والمواد مو هينين بس لا تحاتون نحن لها

في هالحلقة وعدتكم اتكلم عن الامتحانات المسربة والواجبات المنسوخة

بس ارتأيت ( اتعب على الكلمة والله ماني هينه قالت ارتأيت قالت تكفون لحد يسأل عن معنى الكلمة مالكم علي حلفان ما اعرفها بس سمعت اخوي يقولها والحجي بيني وبينكم حتى اهو مو عارف معناها بس نظام مهايط
( لغير الناطقين بالكويتية مهايطي= عنتهي = المبالغ في الشيء )

ارد واقولكم ارتأيت ( مصره ) اني اقسم الحلقة على جزئين جزء عن الواجبات المنسوخة وفي حلقة تابعه لها عن الامتحانات المسربة


شوفوا بقولكم كل اللي عاصرته في الجامعة ( يا هووه على ارتأيت وعاصرت البنت مو هينه )

من اول ما دخلت الجامعة وكل ما سألت عن دكتور معين يكون الرد لا تاخذين عنده هذا يدقق على النسخ وبصراحة ما كنت فاهمة شنو يقصدون، شنو نسخ ومنو الناسخ ومنو المنسوخ منه وليش ينسخ وشنو ينسخ ؟؟

بس مع الوقت عرفت كل الاجابات بروحي

بنات يقولون دكتور الرياضيات عطانا كلنا صفر ويقول ناسخين الواجب من بعض ، والمضحك في الأمر أنهم يحلفون أنهم مو ناسخين من بعض وفعلا حلفهم صح لانهم مو اهم اللي نسخوا من بعض المعهد عطاهم نسخه وحدة للكل والكل سلم نفس النسخة من غير تعديل

حتى واللي موتي من الضحك ان الدكتور ما استخدم برنامج كشف النسخ لان السالفة كانت واضحة ، السؤال كان طالب في النهاية تعليق بسيط على النتيجة وكل الطلبه حاطين نفس التعليق ما قلنا فيها شي بس عاد مو الكل بنفس الخطأ اللغوي ، الله سبحانه عرفوه بالعقل محد شافه ترى

هالمقدمة علشان اقولهم من وين النسخ

وايد طلبة ما يحلون واجبهم بانفسهم ويعتمدون على المعاهد الخاصة اللي تسوي 10 نسخ بحد اقصى ( وطبعا 10 نسخ في معهد واحد واللي يقولون انه احسن معهد بس باجي المعاهد لا نسخة وحدة كافي ويبيعونها على كل الطلبة ) وبعد ما يسلم طالبنا المجتهد الواجب من غير أي تعديل ويمكن حتى ما قراه يتفاجأ بان الاستاذ معطيه صفر للنسخ ويروح يسوي مشكلة مع الاستاذ ويقلب القسم فوق تحت علشان يثبت لهم انه مو ناسخ شي

وفي جزء ثاني من الطلبة ما ينسخ الواجب بالعكس يحله بروحه وباجتهاده الشخصي بس للاسف فطنته تخونه ، تلاقونهم ما يغيرون الرقم السري للlms وضعاف النفوس وايد في الدنيا يعني أي احد يدش بحسابه وينسخ واجبه ويعيد تسليمه باسمه

لا والطامه الكبرى الناس اللي حل الواجب بنفسه من اول يوم بس غلطته الوحيدة انه حب يراجع الواجب مع استاذ المعهد علشان يشوف اهو ماشي صح والا خطأ وتفاجأ بعد ظهور نتائج الواجب ان الاستاذ منقصه درجات لا بأس بها ولما راح يناقشه الرد كان واجبك هذا واصلني من 7 غيرك ، استاذ المعهد نسخ واجبه وباعه على 7 غيره ، يا الظالم 7 عاد
بس الاستاذ نقصه جزء من الدرجة مو كلها علشان يدري انه اهو اللي حل الواجب لانه كان كل يوم راز ويهه عند الاستاذ علشان يراجع معاه الواجب عرفتوا قيمة رزت الفيس اللي قلتها لكم بالحلقة الثانية ؟

المهم بقولكم بعض النصائح بخصوص الواجبات وبطلوا عيونكم عدل ترى خبرة سنتين بالجامعة علشان محدد يشكك يعني لو بنحسبها بالمواد 11 ساعة اخياري و18 ساعة اجباري و16 تخصص

-حاولوا كثر ما تقدرون تحلون الواجب بانفسكم علشان شغلتين ، حل الواجب يجبركم على قراءة المنهج كله حتى وان لم تحضروا المحاضرات والشغلة الثانية حل الواجب يعطيكم دفعة دراسية لابأس بها ويعرفكم مستواكم الدراسي وحاجتكم لتطويره

-دائما ابتدوا في حل الواجب اول ما تستلمونه لان الوقت وان كان شهر وتشوفونه وايد بس ترى اذا حسبناه بعدد المحاضرات بيكون محاضرتين فقط


-ساعدوا غيركم باللي تعرفونه من الواجب علشان يساعدونكم باجي زملائكم لان حسب الموروث الشعبي لا يخدم بخيل ، وايد طلبة يدش المنتدى وياخذ اللي يبيه من غير حتى لايشكر اصحاب الجهود بس للاسف اهو جذي يحرم نفسه من فرصة التواصل الفعال مع زملائه وصدقوني هالتواصل اهو المستفيد الاول منه لانه راح يلاقي من يصحح له معلوماته ويوجهه للطريقة المثلى للحل


-اذا ظروفكم حدتكم على الاستعانة باحد المعاهد الخاصة لحل الواجب في هالحالة نصيحتي لكم ،لا تسلمون الواجب الا بعد قراءته عدل والتعديل عليه علشان تتلافون سالفة ناسخ ومنسوخ منه


وآخر ملاحظة بخصوص الواجبات ، التوجه السائد في الجامعة حالياً ان الامتحانات تكون مشابه للواجب إلى حد كبير يعني اللي ماخذ درجة عالية بالواجب ودرجة نازلة بالامتحان راح يكشف نفسه بسرعة يعني بيسوي على نفسه علامة استفهام كبيرة جداً جداً كبر تاير سيارة ولد جيراننا المزعج اللي كل يوم يهايط بسيارته ( تم شرح كلمة يهايط في السابق ) بخاطري على يوم اروح افشش تواير سيارته وربي حتى امه متأذيه منه لدرجة تقولي تعالي فششيهم وانا بعطيج السجين

، وطبعا لا ننسى برنامج كشف النسخ اللي طبقوه من فترة واللي يبين للاستاذ نسبة النسخ في الواجب وby the way النسخ من واجبات الاخرين او من المواقع والكتب ترى الامر سيان بالنسبة للبرنامج كلهم يعتبرون نسخ وينقص عليهم درجات .


اكتفي بهذا القدر لحلقة اليوم على امل اللقاء بكم في الحلقات المقبلة


ترقبوا قنبلة الموسم ( الامتحانات المسربة ... حقيقة ام خيال )

مخملية غير متصل   رد مع اقتباس
قديم 24-09-2009, 03:50 PM   #37
ولد الفضلي ولد الفضلي غير متصل
طالب جديد

 










افتراضي رد: فضفضة جامعية


قواج الله ع الكلام والنصايح الي قلتيها وانشالله في ميزان اعمالج( بس حرام لا تفشين تواير ولد جيرانكم خليه يستانس في الدنيا حنا شنو ماخذين من الدنيا غير الوناسه والعباده )
ولد الفضلي غير متصل   رد مع اقتباس
قديم 24-09-2009, 04:56 PM   #38
عطور الورد عطور الورد غير متصل
طالب مميز
 
الصورة الرمزية عطور الورد

 











افتراضي رد: فضفضة جامعية


السلام عليكم ورحمه الله وبركاته
اول شي عيدكم مبارك وعساكم من عواده يارب ..
ثاني شي مشكوره وايد حبيبتي مخمليه على الموضوع الحلوو وايد ..
طيب شرايكم تسمعون رأي وحده عاشت بالجامعه العربيه المفتوحه وحاست بين مكاتبها ودكاترتها وموادها 5 سنوات؟ وتخرجت الحمد لله الكورس اللي طاف؟
ياطويلين العمر .. جامعتنا حلوه للي يحليها .. وشينه للي يشينها .. يعني .. انا مرت علي هال5 سنين بمتاعب بسيطه جدا .. قدام بعض البنات اللي كانو معاي .. ليش؟ لانهم كانو يعقدون السالفه ..
طيب خلونا ندخل بالتفصيل .. اول شي الاداره .. الحمد لله من دخلت الين تخرجت مادخلت الاداره الا مره وحده رفعنا كتاب علشان يغررون لنا دكتوره ويحطون لنا دكتورنا اللي كان يدرسنا قبلها .. بس ماردو علينا ويمكن كان خيره لنا لان الحمد لله الدكتوره اللي كانو حاطينها كانت قمممممممه بالروعه .. تعامل وشرح وكل شي .. يعني كانت خيره لنا
طيب الحين انيي حق الموظفين لشؤون الطلبه .. تعاملهم حييل راقي.. ومافي مره رحت لهم علشان استفسر على شي الا الحمد لله لقيت الاجابه .. بس جم مره يكون اكو موظف مصري طردوه من فتره .. كان تعامله مو شي مهما يكون اللي جدامه .. بس طبعا مانقدر نعمم على الكل بسبب واحد !!
طبعا بأيام التسجيل خاصه اوقات تسجيل المستجدين والاسئله الكثيره اللي تتكرر عليهم .. والنفسيات اللي تمر عليهم اكيد بهالوقت هذا بالذات بتكون نفسيتاهم (مو كلهم بعضهم) مو زينه .. بس نعذرهم ..لو نحط نفسنا مكانهم جان حسينا بتعبهم وعذرناهم .. بس الاغلب مننا يبي الكل يعاملونه عدل وتكون نفسيتهم زينه مهما كان الوضع اللي اهم فيه .. مو
الحين انيي لدكاترتنا الافااااااااضل :p ..
كل قسم فيه الزين وفيه الشين .. (حتى قسمنا قسم IT) . . بس الحمد لله الاغلبيه من النوعيه الزينه .. خاصه بالتعامل .. الحمد لله مامر علي بالجامعه دكاتره مو زينين طول هالخمس سنين الا 2 .. واحد ماكان يعطي كل شخص حقه كان يعطي حسب المكياج والشعر والضحك والخرابيط والحمد لله افتكينا منه وطلع من الجامعه .. ودكتوره ماتعطي الشخص حقه .. لانها تخاف من المسؤول عنها .. لدرجه انها استقبلت مني واجب ومارصدت درجته ولما طلعت الدرجات وقلت لها والواجب درجه كبيره قالت ماسلمتيني .. ولما حصلت الواجب عندها تقول انها نست وان الدرجات الحين انرصدو وماتقدر ترفع الدرجه !! وطلعت النتايج وماانرصدت درجتي ليومكم هذا .. بس هم الواحد يعذرها .. موبيدها
لان اكو نقيضها تماما.. دكتوره استقبلت مني الواجب مبجرر وايد عن التسليم .. وبسي دي لان الموقع كان مسكر عندي ماقدرت اسلمه على الموقع .. وعطتني درجتي وفوقها بونص (درجات زياده) لاني سلمت الواجب مبجر

انيي الحين للمواد والواجبات
ياحلااااااات مواد الاي تي (ماعرف مواد باجي التخصصات) ..
وواجباتنا اغلبها من الكتب والملخصات وفهمنا للماده نفسها.. يعني انت فاهم الماده .. انت ممتاز بواجباتها ولا لك علاقه لا بحل خارجي او حل معاهد ولا تدخل بحوسه الواجب منسوخ اكثر من نسخه .. لان اغلب اللي ينحط لهم اصفار اللي ياخذون واجبات المعاهد او اللي يوزعون واجبهم على اساس هذا رفيجتي وهذا مادري شنو .. او يعطون حلولهم لدكاتره خارج الجامعه يراجعون حلولهم ..

الحين اخر شي الامتحانات المسربه ..
مادري من وين الطلبه ياخذون الامتحانات لان صج امتحانات الجامعه اغلب المواد تتسرب للطلبه قبلها بيوم او بجم ساعه .. ومادري بشنو بينفعهم .. اذا بيسفيدون منها الحين باجر لاتوظفو ماراح تفيدهم اذا سألوهم سؤال وماجاوبوه .. . صج راح ينظلمون طلاب وايد خاصه الشطار واللي درسو .. بس كله بحسابه ..
اذكر مره تسرب امتحان السي بلس بلس ماده البرمجه عندنا .. واخرو علينا الامتحان 10 دقايق او 15 دقيقه ..غيرو الامتحان كللللللله .. وكنا حييل مستانسين لان اللي تسرب لهم الامتحان ماراح يفيدهم ..

صدقوني جامعتنا زينه .. ومافي منها .. اكيد لها سلبيات بس ايجابياتها وايد .. شوفوها قاعده تتطور من اشوي اشوي .. كنا نظام اوراق .. صار الحين كل شي فيها بالنت وعلى الكمبيوتر ..
هذا كل شي عندي .. واي سؤال او استفسار من بعد اذن اختنا مخمليه .. انا جاهزه ..
موفقين يارب .. وحياه سعيده مع الجامعه العربيه المفتوحه

التعديل الأخير تم بواسطة عطور الورد ; 24-09-2009 الساعة 04:57 PM



التوقيع



+-*-+ عــــطــــوووور الــــوووورد +-*-+
عطور الورد غير متصل   رد مع اقتباس
قديم 25-09-2009, 03:46 AM   #39
His Name Is Mimo His Name Is Mimo غير متصل
طالب جديد
 
الصورة الرمزية His Name Is Mimo

 










افتراضي رد: فضفضة جامعية


يعطيج الف الف عافيه اختي مخمليه

الصراحه مبدعه

وكل كلمه قلتيها صحxصح

الله يخليج لنا وللمنتدى

تحياتي لج
His Name Is Mimo غير متصل   رد مع اقتباس
قديم 25-09-2009, 03:00 PM   #40
دوائر دوائر غير متصل
طالب جديد

 










افتراضي رد: فضفضة جامعية


أول شي اشكر جهودج وكل مالج تدفعينا للأحسن وتخليني اتشجع
بس اي رقم سري بالضبط اللي تتكلمين عنه للأسف حدي عليميه؟
دوائر غير متصل   رد مع اقتباس
قديم 25-09-2009, 03:08 PM   #41
الكهل الطموح الكهل الطموح غير متصل
مشرف سابق
افتراضي رد: فضفضة جامعية


سلمت يامخملية على الأستمرار بتلك الفضفضات الجامعية!
المبنية على تجارب واقعية!! أتحفينا بالمزيد أيها الأريحية الألمعية!!!
الكهل الطموح غير متصل   رد مع اقتباس
قديم 26-09-2009, 11:47 PM   #42
Najwan Hanim Najwan Hanim غير متصل
طالب نشيط
 
الصورة الرمزية Najwan Hanim
افتراضي رد: فضفضة جامعية


اقتباس:
المشاركة الأصلية كتبت بواسطة مخملية مشاهدة المشاركة

من اول ما دخلت الجامعة وكل ما سألت عن دكتور معين يكون الرد لا تاخذين عنده هذا يدقق على النسخ وبصراحة ما كنت فاهمة شنو يقصدون، شنو نسخ ومنو الناسخ ومنو المنسوخ منه وليش ينسخ وشنو ينسخ ؟؟




برأيي اللي يغش ، لا أخلاق عنده ! ولا تستحق حتى احترام !

آنا ما أدري ، ليش ما يلغون قانون الواجبات ، ويخلون فقط امتحانات . أعتقد هذا أفضل، للحد من النسخ ، وتبادل الواجبات.

هذا القانون خطأ أساسا ، ويعطى للطلبة درجات مو من حقهم يحصلونها. خاصة أهل الخبرة بالغش وتبادل الواجبات اذا الدكتور اختلف.

وحتى التشكيك بالطلبةو بجهودهم، راح يتوقف !




اقتباس:
المشاركة الأصلية كتبت بواسطة مخملية مشاهدة المشاركة

وآخر ملاحظة بخصوص الواجبات ، التوجه السائد في الجامعة حالياً ان الامتحانات تكون مشابه للواجب إلى حد كبير يعني اللي ماخذ درجة عالية بالواجب ودرجة نازلة بالامتحان راح يكشف نفسه بسرعة يعني بيسوي على نفسه علامة استفهام كبيرة جداً جداً كبر تاير سيارة ولد جيراننا المزعج اللي كل يوم يهايط بسيارته ( تم شرح كلمة يهايط في السابق ) بخاطري على يوم اروح افشش تواير سيارته وربي حتى امه متأذيه منه لدرجة تقولي تعالي فششيهم وانا بعطيج السجين


حتى انتوا ، مخملية!!! عندنا وعندكم خير !

عندنا واحد ، ما يخلي وقت وإلا يشفط فيه، ولا جدام مخفر الشرطة بعد !

وصوت سيارته ، مثل صوت التنكر ومكينة ديزل !

معقولة ما يحس بصداع ، بسبب صوت سيارته على طول جذيه !



التوقيع




### الطريق السهل دائماً هو نقد الآخرين .. والطريق الصعب هو نقد الذات - د.سلمان العودة ###



[][] Those who increase knowledge increase sorrow[][]

{{ Not all who wander are aimless, specially not those who seek truth
beyond tradition, beyond definition, beyond the image }}

نجوان هانم: خريجة من الجامعة العربية المفتوحة AOU

Najwan Hanim غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:05 PM.


Powered by vBulletin® Version 3.8.1, Copyright ©2000 - 2023, Jelsoft Enterprises Ltd. TranZ By Almuhajir
جميع المواضيع والمشاركات تعبر عن وجهة نظر أصحابها
ولا تعبر باي شكل من الاشكال عن وجهة نظر منتديات AOUA
تصميم وتطوير : التكنولوجيا الماسية