العودة   منتديات طلاب الجامعة العربية المفتوحة > المنتديات العامة > منتدى الجرافيكس والصور

إضافة رد
 
أدوات الموضوع انواع عرض الموضوع

قديم 16-06-2013, 09:34 PM   #1
جدااوي جدااوي غير متصل
طالب ماسي
 
الصورة الرمزية جدااوي

 










حصري **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 2013 ]






ياغايبه إلاَّ عنِ الخافِق .. سلام
رِدِّي علي ياهمسةَ العاشِق .. سلام
رِدِّي وخِذي منِّي ليالي في العُمر
أقطف لِك النِجمه وأذوَّب لِكقُمر
والبِّسك ثوب النَّسيم .. وأعطِّر أيامك .. زهر
وأقول أحبِّك .. أناأحبِّك
أحبِّك .. وأفرِش لِك الدِّنيا حرير
ماهو على الغالي كِثير



السلام عليكم ورحمة الله ..

بعد تقريري العام عن دبي هنا ..




وبعد ماخلصتوا اختباراتكم وارتاحت نفسياتكم


جايكم اليوم بتقرير متعوب عليه شوي .. بس ان شاء الله يعجبكم وتستفيدون منه .. وهالمره راح يكون مختلف.. يعني اكثر من مجرد صور عشان الاستفاده تكون اكبر
ومثل ما انا استفدت كثير من تقارير اعضاء بمنتديات اخرى راح احاول افيد اعضاء منتدانا العزيز واعضائه الحبايب على قلبي

تقريرنا اليوم عن سفرتي الاخيره لبلاد العرسان كما يطلق عليها .. وطبعا كانت بمناسبه ال Honey Month

مـالـيـزيـا






التخطيط للرحله ..

بصراحة في البدايه ماكنت ناوي عليها .. كانت نيتي على مصر خاصة بعد اغراءات العضو المؤدب (keeemooo)
من ناحيه وللتوفير بمصر من ناحيه اخرى .. تعرفوا زواج ومو محتاج نكبات اضافيه بس الاوضاع الحاليه بمصر خلتني الغي الفكره ..
بعدها فكرت ب دبـي .. بس من زيارتي السابقه لها عرفت انها ماتنفع شهر عسل .. حدها كم مول وخلصت ..
اخيرا كانت نصائح الاغلبيه ترسلني على ماليزيا .. والي شجعني اكثر تقارير في منتديات اخرى
وضحت لي قد ايش ماليزيا حلوة واهم الامور كانت ..

* المعلومات الي جمعتها من التقارير ومعرفة تفاصيل الامور وكأني زرتها من قبل
* بلد اسلامي ماراح تعاني فيه كثير من ناحيه الصلاه .. الحجاب .. المأكولات الحلال .. الخ ..
* دخول البلاد بدون فيزا ومعاملات مزعجة مثل دول اخرى ..
* بلد اقتصادي اذا اردت الاقتصاد واذا اردت العكس سيكون كذلك ..
* التنوع في جغرافيه الدوله .. مدن .. سواحل .. مرتفعات .. جزر .. مزارع .. الخ ..
* معرفة الكثير من الاصدقاء هناك في حال احتجت للمساعده ..


توكلت على الله واعتمدت على نفسي بكل شي وطنشت شغل مكاتب السياحه ( الجلادين )
وبدأت فعليا باتخاذ الخطوات وينصح باتباع الخطوات التاليه ..

1- تحديد عدد الايام التي ستقضيها هناك ووضع تاريخ للذهاب وتاريخ للعوده
حددت لها ( 16 ) يوم من تاريخ 7/2/2013 الى 24/2/2013

2- اختيار المناطق والمدن التي ستزورها وتقسيم الايام بينها ..
كانت رحلتي كالتالي ..

سلانجور = يومين
مرتفعات الكاميرون = يومين
بينانغ = ثلاثه ايام
لنكاوي = اربعه ايام
كوالالمبور = خمسه ايام

نوعتها مابين سواحل وجزر ومرتفعات والعاصمه


3- البدء بالحجوزات الدوليه والتنقلات المحليه

الحجوزات الدوليه ..
اغلب المسافرين يفضلون الخطوط الاماراتيه والقطريه لرخصها ولجودتها ..
بس لان استعدادي كان من قبل شهرين تقريبا للسفر وجدت اسعار حلوة عالخطوط السعوديه
2200 سعر التذكره للشخص الواحد من جدة – كوالا والاياب .. كوالا - جدة
قبل السفر بكم يوم وصلت الاسعار الى 3500 تقريبا لذلك يتجنبها الكثير
طبعا الحجز كان عبر موقع الخطوط المعروف عالنت ..


ملاحظه .. قبل فتره قريبه فتحت شركه AirAsia
رحلاتها من جدة واسعارهم رخيصه جدا ..
عيبهم حسب ماجربتهم بالسفر محليا داخل ماليزيا ان العفش يكون بسعر مخصص ماتشمله سعر التذكره
لكن اسعارهم حلوة وكل ماكان الحجز بدري كل ماكان ارخص ..



التنقلات المحليه ..

طبعا بما اني حددت 5 مناطق لازم احدد طريقه التنقل بينهم عشان اريح دماغي .. تعرفوا عريس وعنده امور اهم يشغل باله فيها

كانت التنقلات كالتالي ..

الوصول الى مطار كوالا وثم تاكسي الى سلانغور القريبه
من سلانغور الى مرتفعات الكاميرون بواسطة باص تحجزه من النت او من المحطه
من الكاميرون الى بينانغ بواسطه باص ايضا تحجزه من النت او المحطه او فندقك اذا كان يبيع التذاكر
من بينانغ الى لنكاوي بواسطه عبّاره في البحر تحجزها من بدري عن طريق موقعهم بالنت
من لنكاوي الى كوالا بواسطه طيران AirAsia تحجزها من بدري عن طريق موقعهم بالنت



ملاحظات ..

* تقدر تستغني عن الباص وتاخذ تاكسي خاص والفرق الوحيد هو القيمه ..
الباص اسعار التذاكر حول ال 35 رنقت تقريبا للشخص لكن التاكسي ممكن يوصل ل 500 رنقت للرحله
والباصات مكيفه ومريحه جدا ولان الرحله اقتصاديه مافي داعي لل (فشخره ) الزايده
* هناك رحلات طيران من بينانغ الى لنكاوي بس ماتسوى لان زمن الرحله نص ساعه بس
وبالعباره الي يطلق عليها اسم ( الفيري ) 3 ساعات وتقدر تستمع بالبحر كانك على يخت
* الحجز عبر المواقع سهل جدا مثل الخطوط السعوديه والي يحتاج المواقع يراسلني لان القوانين هنا زي مانتم عارفين تمنع وضع روابط لمواقع اخرى



4- حجوزات الفنادق

طبعا الحين تكون حجزت رحلاتك الدوليه وقسمت الايام بين المناطق وحجزت التنقلات بينها
يعني راح تكون عارف متى تاريخ دخولك للمدينه وتاريخ خروجك منها .. وهذي التواريخ هي الي راح تحتاجها لحجز الفنادق عبر مواقع الحجز

مواقع حجز الفنادق .. اشهر موقعين هي Booking وموقع Agoda

متشابهين الى حد ما .. الاختلاف بطريقه الدفع بوكنق مايسحب من الفيزا على طول يعني وقت ماتدخل الفندق تكون مخير بالدفع كاش او يسحبون من الفيزا

اقودا يسحبون بنفس الوقت من بطاقتك ( وكذا انا ارتاح بصراحه احس اني ضمنت الحجز )

وبعد مايتم الحجز يرسلون لك عالايميل قسيمه الحجز الي تعطيها رسبشن الفندق عند الدخول وبس ..

لذلك كانت حجوزاتي كلها من موقع اقودا وطريقة استخدامه سهله جدا

ماعليك الا وضع التواريخ وتحديد المنطقه ويعطيك الفنادق المتوفره واسعارها ومواصفاتها ومواقعها .. وانت عليك الاختيار حسب مزاجك وميزانيتك


فكانت اختيارتي كالتالي ..

سلانقور .. فندق Ruemz hotel (ريومز هوتل )
الكاميرون .. فندق Century Pines Resort (سنشري بينز )
بينانغ .. فندق Hydro hotel ( هيدرو هوتل )
لنكاوي .. فندق Fedral Villa Beach Resort (فيدرال فيلا او هوليداي فيلا )
كوالا .. فندق Sentral pudu ( سنترال بودو )


كانت الفنادق مابين 3 و 4 نجوم لان بصراحه حرام تاخذ 5 نجوم وانت ماتدخل الغرفه الا اخر الليل وتطلع منها الصباح يعني كم ساعه للنوم فقط .. وتوفير ياحبيبي توفير

ملاحظات ..

* الي يحب يشوف الفنادق يكتب اسم الفندق بقوقل ويفتح روابط اقودا او بوكنق
او يبحث عنها من داخل مواقع اقواد وبوكنق ..
* الاسعار تختلف باختلاف المواسم .. الصيفيه مثلا تكون اعلى .. واحيان تكون في عروض خاصه
* تقدر تلغي حجزك خلال الفتره المسموح لك فيها بالالغاء وتحجز فندق اخر .. وحقك مايضيع


5- الجدول اليومي ..

ويعتبر من الضروريات عشان تكون عارف وين تروح وماتقعد تسأل وتضيع وقتك وقد ينضحك عليك من اصحاب التكاسي بمشوار بعيد مايسوى ..
لذلك رتبت الجدول اليومي بكل ساعاته والفضل بعد الله لاحد الاخوان بأحد المنتديات ( جزاه الله خير ) عمل لي جدول يومي متنوع بحيث مايفوتني شي مهم بكل منطقه
وايضا هناك ملف شامل للاماكن السياحيه والاسواق بكل منطقه راح ارفعه لكم على الرابط التالي ..




الاماكن السياحيه والاسواق في ماليزيا




للامانه الملف لاحد اعضاء المنتدى الي استفدت منه بس اسمه راح مني

الملف بصيغة اكسل وتقدر تغير المناطق من الاسفل للتنقل بينها


نصائح هامه ..

- حاول قدر المستطاع تخلي عفشك خفيف اي شي غير ضروري اتركه لتسهيل التنقل
- الاهتمام بالاوراق الرسميه واخذ صور منها ( الجوازات - التذاكر - عقد النكاح - الحجوزات )
- خذ معاك ادويه مثل البنادول والفيفادول تحتاجها كثير
- وسائل التقنيه مهمه ايضا ( لاب توب - كاميرا - فلاش - شواحن - الخ ..)
- الاتصالات شخصيا اعتمدت عالتجوال الدولي ( كان مجاني وقتها ) لكن الحين الافضل تاخذ شريحه محليه هناك وتريح راسك والنت خلي شغلك ع شبكة الفنادق
- المطاعم الاغلب تلغى وجبات سريعه واسعارها ارخص من هنا .. المطاعم العربيه متواجده لكن اسعارها فووق .. واهم شي تحجز الفندق مع الافطار لانه يريحك كثير ..
- لاتنسى ارقام سفارة بلدك هناك وارقام الاصدقاء في حاله احتجت للمساعده
- حاول ماتاخذ كاش كثير معك بطاقه الصراف تفي بالغرض وتقدر تسحب هناك بكل سهوله
- داخل كل فندق في ( سفتي بوكس ) حط فيها اوراقك الرسميه والبطايق اول ماتدخل الفندق
- 1 رنقت = 1.25 ريال سعودي





هذي كانت المقدمه وباقي الموضوع راح يكون مجزء لكل منطقه مشاركه خاصه بها

وبعد انتهاء الموضوع الي عنده اي استفسار بالموضوع او عالخاص انا مستعد

ان شاء الله القى التفاعل والدعم وعما قريب نستكمل الاجزاء .. نراكم

التعديل الأخير تم بواسطة heart of love ; 24-06-2013 الساعة 04:01 AM سبب آخر: إضافة ختم التًّميز ..^.^.



التوقيع

وش أسوي بي ؟
أحاول .. وأعرف إني
لو لويت العنق عيا،
ولو عقلت القلب عيا
وأعرف إني
رغم هذا الميل كله.. مستقيم !
جدااوي غير متصل   رد مع اقتباس
قديم 17-06-2013, 09:41 PM   #2
جدااوي جدااوي غير متصل
طالب ماسي
 
الصورة الرمزية جدااوي

 










رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201




الجزء الثاني ..

الاقلاع من مطار جدة الى مطار كوالا الدولي واستغرقت الرحله حوالي 8 ساعات
بس كانت ممتعه والرحلات الدوليه فيها اهتمام اكثر من المحليه يعني ماتحس بملل كثير
قدامك شاشه فيها مواد متنوعه وهيدفون ووجبات متوفره ..
واساسا العريس عنده الي يضيع وقته






العيال كبرت .. واتجوزت











مادري هالصورتين بأي موقع بس الاكيد خارج الجزيره العربيه ,,
يمكن فوق الهند بس مناظر سبحان الخالق







هنا على مشارف ماليزيا .. وبدأ الخضار يوضح اكثر ..







قبل الهبوط في العاصمه بقليل ..






بعدها تاكسي لمدينه سلانغور القريبه من المطار تقريبا ساعه بالسياره ..
وهي اقرب من كوالا للمطار وتنفع للاسترخاء من تعب السفر

* الصوره اعلاه توضح خريطه سلانغور واهم الاماكن والفنادق وحقوق الصوره لصاحبها الواضح اسمه بها






الوصول للفندق الي ذكرنا اسمه اول وهو Ruemz hotel








اللوبي .. والاستقبال لطيفين جدا كما هي عادة فنادق ماليزيا

الفندق مجاور لـ كليه وكان يشتغل معهم بالاستقبال طالب سوري ساعدني كثير الله يوفقه






جانب من الغرفه .. والعاده مااصور الغرف كثير لان الواحد اول مايوصل يكون هلكان : (



ريحنا في الفندق ساعتين ومشينا على مول اسمه ( بيراميد مول ) جنب الـ (صنواي لاقون )
والصنواي لاقون هذي اكبر مدينه مائيه في شرق اسيا والي مايروحها يعتبر ما سافر ماليزيا
واساسا الذهاب لسلانغور كان عشان الصنواي لاقون ..
المهم تمشينا بالمول كم ساعه وتعشينا هناك ورجعنا للفندق ننام ..
وهذي صور من المول ..




صادف ايام السفر مع اعياد الصينين وكنت تشوف الصينيين بكل بقعه واحتفالاتهم وخزعبلاتهم














الحركه هذي احلى مافيها طريقه عملها .. والولد الي شغال عليها ( لبناني ) وفناااان






شعار المول من الخارج ..

-----------------------------------------------------------

اليوم الثاني كان مخصص طبعا لملاهي الصنواي لاقون
اتعب وانا امدح فيها .. ملاهي مائيه على حديقة حيوان على العاب متنوعه ومطاعم
يوم كامل تقعد وما تمل ونفسك تروحها كل يوم
ب 120 رنقت للشخص الواحد تلعب حتى تتعب بكل الالعاب





شعارهم
































ترى سويت زي البنت ذي بصورة ثانيه


























مرفع رجوله الاخ ولا همه .. بس عكرت مزاجه الين وصل عندي





هنا انا سحبت





















هذا الفندق والمول الملاصق للملاهي









الجسر هذا حكايه






البحيره هذي فيها قوارب صغيره الي تحركها برجلك .. تطلع انت والمدام وتاخذ لفه






ميدان السيارات برضه تطلع انت وهيا او تخليها تسوق اذا كانت من الحالمات بالسواقه




كرة قدم شاطئيه على كرة طائرة . والرمل الصناعي حاجه تانيه خالص





لعبه ( البايعين حياتهم ) طبعا انا اكره اي لعبه فيها طلوع فوووق ونزول بسرعه






صورة من الاعلى للعبه قطار الموت





لعبه تشبه بيت الوحوش بس ماتطلع مركبه تمشي داخل على رجولك

وشوف انواع الرعب لما تقابل زي المخلوقه هذي بالظلام وتضمك





هذي نفس لعبه السينما 3D بس بطريقه مائيه يعني تغوص وتغرق وتطلع مبلل وكذا







مساج القدم بالاسماك .. بس ماجربته لانه يقولوا ينقل الامراض




همسة : الموقع هذا صورت فيه اكثر من 150 صورة بس عارفين المكان مائي
يعني مايوهات بكل حته يعني المشرفه راح تتعب وهي تحذف لذلك اختصرت الموضوع




بعد 8 ساعات تقريبا قضيناها بهذا المكان الرائع رجعنا عالفندق منتهييين من التعب
واليوم الي بعده ورانا سفر لمرتفعات الكاميرون الي راح تكون في الجزء القادم























جدااوي غير متصل   رد مع اقتباس
قديم 20-06-2013, 01:01 PM   #3
جدااوي جدااوي غير متصل
طالب ماسي
 
الصورة الرمزية جدااوي

 










رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201





الجزء الثالث


( مرتفعات الكاميرون )


بعد الالعاب المائيه امس وبعد مارجعت للفندق الظاهر اخذت لي برد
اصبحت اليوم الثاني مسخن عالاخر وتبعت طول الطريق الى الكاميرون
والمنطقه اساسا مرتفعات جبليه كل هذي الاسباب ماخلتني اصور كثير فيها






صورة توضيحيه لمنطقه الكاميرون .. والحقوق لصاحبها







الرحله من سلانغور للكاميرون تقريبا 5 ساعات واغلبها مرتفعات ومناظر رائعه






السوق المركزي .. والمدينه كلها على بعضها هذا السوق والباقي مزارع وجبال







الفندق والي اسمه Century Pines Resort

فندق 4 نجوم وهادئ وقريب من السوق المركزي




اول يوم طبعا كان راحه من السفر والسخونه كمان لعبت فيني
بس الحمدلله اليوم الثاني خفت كثير بعد ما اخذت فيفادول
وقضينا اليوم الثاني بمزارع الشاي واحد الشلالات

وهذي الصور لاحد مزارع الشاي




























مساحات شاسعه تدخل وتقعد تتمشى داخل ولما تخرج في محلات
تشرب شاي جاهز من اول قطفه او تشتري علب شاي هدايا

بعدها مشينا على احد الشلالات القريبه






الطريق كان زحمممه والسبب كله من الصينييين





شلال صغير وعادي بس عشان كان قريب من الفندق قلت نضيع وقت فيه ونعمل رفرش :$







انتهى يومنا .. زي ماقلت لكم المنطقه صغيره وللاسترخاء فقط
يعني الي مايحب المناطق الهادئه والمرتفعات ماتنفع له


نراكم في الجزء القادم








جدااوي غير متصل   رد مع اقتباس
قديم 20-06-2013, 05:48 PM   #4
جدااوي جدااوي غير متصل
طالب ماسي
 
الصورة الرمزية جدااوي

 










افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201





الجزء الرابع

( بينانغ )


من اروع المناطق صراحه جزيرة رايقه وسواحلها ممتعه وجوها روعه

وهذي الخريطه التوضيحيه ل بينانغ من نفس الشخص الله يجزاه خير







طبعا انتقلنا لها بالباص من الكاميرون وتقريبا المسافه 4 ساعات وكان الجو بأغلب الطريق ممطر






وصلنا الفندق الي اسمه .. Hydro hotel

داخل الفندق .. اعتقد كل راعي فندق يحط تمثال لـ جد العيله في اللوبي












وسلم لي على فنادقنا



احلى ما بالفندق هذا .. اطلالته .. رووووعه

جهه على البحر .. وجهه على ابراج وجبال ومن تحتك المسبح




















طبعا كعادة اول يوم الراحه والعشا بالسوق القريب والنوم



اليوم الثاني في البدايه مشينا على حدبقة التوابل
وانا اسميها ( حديقة النساوين ) كل شي يخص المطبخ تلقاه فيها
كان الدليل بالداخل شخص اردني محترم جدا واخلاق جمعنا مع بعض
طبعا كلنا عرسان وكلنا من السعوديه صرنا قروب شباب وقروب بنات وتجولنا داخل






اعتقد زنجبيل هذا او مدري والله نسيت





هذا دليلنا الاردني













هذي الشجره غريبه .. لما تصورها بالفلاش يطلع لك لون غير الحقيقي

















هذي احجار طبيعيه تمشي عليها وكأنك تسوي مساج





بنهايه الجوله في محل تقدر تشتري منه اشياء جاهزه من المنتجات

اشياء للطبخ واشياء للعلاج وغيرها للهديا وكريمات البشره .. الخ










هنا تاخذ لك شي بارد وتسترخي مع المدام


------------------------------------



بعدها توجهنا الى حديقه الفواكه

سبحان الله تشوف فواكه عمرك ماشفتها





وكان الدليل هذا الشخص الماليزي الكوكتيل ( ماليزي وامه صينيه ويعرف عربي )

وكان القروب مشكل عرب على صينيين على خواجات ويشرح لكل واحد بلغته














نسيت وش اسمها بس الاكيد ماقد شفتها بحياتي وطعمها حااااالي













كرز







اناناس



وبعد ماتنتهي من الجوله تروح لمكان وبنفس قيمه التذكره الي دفعتها ( 35 رنقت تقريبا )

تاخذ صحن وتشكل الي تبغاه من المجموعه الي قدامك + كاس عصير على طلبك





بطيخ اصفر ^^ .. قد مر عليكم بطيخ اصفر ؟ انا اول مرة بصراحه






ولازم من قعدة الاسترخاء في النهايه



بعدها مشينا على احد الشلالات القريبه

















مزتين صينيتين .. لهم مستقبل بالالومبياد


بالمساء طبعا قضيناه بالسوق الليلي او السوق الصيني
شارع طويل وكله بسطات منتجات صينيه وهدايا واشياء غريبه
ومطاعم شاميه ويمنيه وارقيله من الي يحبها قلبي
ماصورت فيه لان الجو ظلاااام وكانت تمطر كثير وخايف ع جوالي

----------------------------------------------------------------


اليوم الثالث والاخير في الجزيره

كان على الشاطئ مع الالعاب البحريه
برضه ماصورت كثير عشان المويا وعشان الساحل كله اشياء ممنوعه






شاطئ نظيف وجلسات مساج والعاب البراشوت والقوارب












محسوبكم ماخلى فرصه العمر تروح قويت قلبي وطلعت البراشوت
يعني عريس وقدام العروسه وتقول لا اخاف .. عيييب برستيج حياتك بيضيع بلحظه
المهم قعدوا يربطوني ويشرحوا لي وبعدين سحبني القارب ومالقيت نفسي الا معلق بالجو
ووقت النزول حكايه تانيه مانزلت من اول مره جننتهم الين قدرت اسحب المظله وانزل

العامل الهندي يقول: انته خساره انا مافي فايده اليوم
الصوره فوق ^^ وانا ع وشك النزول والكل يتربص تقول نيزك بيسقط عالارض
بس كانت تجربه حلوة

واخيرا طلعنا القارب المطاطي الاصفر وكان يسحبه بسرعه شديده تخليك تنطنط
حتى الكاب طاح من راسي من السرعه >> وهذا الي سبب الصلعه مؤخرا

بعدها عالسوق الليلي برضه الي ماتمل منه بصراحه وتعشينا وعدنا للفندق
استعدادا للمغادره في اليوم التالي الى جزيرة لنكاوي الساحره ..



نراكم ..







جدااوي غير متصل   رد مع اقتباس
قديم 23-06-2013, 11:23 AM   #5
جدااوي جدااوي غير متصل
طالب ماسي
 
الصورة الرمزية جدااوي

 










رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201






الجزء الخامس


( لـنـكــاوي )



لنكاوي جزيره رايقه وهادئه ومتعددة الفعاليات وجوها رااائع
الطريق لها بطريقه من اثنين اما بالطياره او بالمركب ( الفيري )
اذا كنت رايح لها من كوالا فأكيد الطياره اسرع واريح لكن اذا كنت من بينانغ القريبه
مثل حالتي .. ف بصراحه اشوف القارب افضل وامتع
بالطياره راح تاخذ الرحله نص ساعه فقط ماتجي بتعب الطلوع والنزول وزحمة المطار
بالفيري تاخذ 3 ساعات تقريبا ومريح وتقدر تطلع عالسطح تستمتع
وهذي الصورة توضح الطريقتين للذهاب الى لنكاوي






وهذي الصورة توضيحيه للجزيرة واماكنها .. ( لنفس الشخص ايضا )






طبعا حجزت الفيري من بدري مع باقي الحجوزات من النت وكل شي حسب المخطط له


وهذي صور الفيري












ملاحظه : سمعت قبل مااسافر ان العفش يجيه مويا وان هناك مطبات وتعب وشكاوي
يمكن يصير هالشي في حالات الاجواء السيئه بس يوم طلعت كان كل شي هااادئ


طبعا اول يوم كالعاده للراحه في الفندق والعشا بالسوق القريب
والنوم بدري ( بدري هذي لاحد يصدقها ابدا )



اليوم الثاني اخذنا تاكسي بجوله لمدة 5 ساعات وسعر الجوله موحد بماليزيا كلها
الساعه = 25 رنقت يوديك وين ماتبغى ويقعد ينتظرك الين تخلص


البدايه كانت لـ تلفريك لنكاوي الرائع
































ب 35 رنقت للشخص تطلع هالتلفريك العالي ومناظر وخضره
الله يسامحني يوم حطيت 90 ريال بتلفريك الطايف الي ماتحتك الا حجار



بعدها مشينا على رحلة المانغروف المشهوره
مافي احد يروح لنكاوي الا يجربها ..
وهي رحلة بالقارب لمده تتراوح بين الساعه وال 3 ساعات بقارب شخصي او جماعي
تزور فيها ( كهف الخفافيش + حوض الاسماك + اطعام النسور + جزر قريبه )
رحله ممتعه جدا .. وهذي بعض الصور منها






































هذا مسوي الحارس الشخصي للخفافيش















هنا يرمون اكل وتجي النسور كلها تاكل








هذي جزيره تشبه ( الجزمه ) الله يكرمكم ..




اليوم الثالث الصباح جوله للشلالات بس ماكنت تستاهل التصوير
كانت شبه جافه لانقطاع الامطار كم يوم

وبعدها على ميدان النسر والفير مول الملاصق له





النسر ,, رمز الجزيرة





اليوم الرابع والاخير قضيناه داخل الفندق او الفلل بالاصح

لانها كانت مجموعه فلل تطل على الشاطئ

مكان هادئ ورايق واغلب السكان من الغرب لاجل التشمس عالساحل في النهار










اللوبي








القعده هنا بالليل انت والمدام تسوى شهر عسل لحالها






واجهة الفلل من الخارج مع المسبح ..

( بالنهار طبعا ماقدر امشي عند المسبح الا مغمض لاني لو فتحت راح اتكفخ )



وطلعنا ننام بدري برضه لان بكرة ورانا مطار ورحلة ل العاصمه كوالا

نراكم في الجزء القادم











جدااوي غير متصل   رد مع اقتباس
قديم 23-06-2013, 12:45 PM   #6
جدااوي جدااوي غير متصل
طالب ماسي
 
الصورة الرمزية جدااوي

 










رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201




الجزء السادس


( كوالالمبور 1 )


المحطه الاخيره بالرحلة كانت العاصمه الرائعه كوالا
تعمدت اخليها بالاخير لاني ودي اطول فيها لذلك اعتمدت لها 5 ايام
ولانها مدينه متنوعه راح يكون فيها ارهاق من التسوق والتجول وشراء الهدايا









صورتين توضح العاصمه واماكنها السياحيه وفنادقها

وطبعا الشارع الرئيسي والمهم هو شارع العرب ( بوكيت بينتانغ ) .


وصلنا بعد رحلة طيران من لنكاوي استغرت ساعه ونصف تقريبا
عن طريق خطوط *** اسيا الي حاجز تذاكرها من بدري عبر النت


ملاحظه مهمه : مطار الرحلات المحليه يختلف عن مطار كوالا الدولي
الدولي اسمه : KLIA والمحلي سمه : LCCT
قريبين من بعض بس لازم تفرق بينهم ع حسب رحلتك


الفندق قريب من شارع العرب مسافه 10 دقائق مشي




فندق 3 نجوم بس مرتب وجديد وسعره معقول جدا





كان في غلط بطلب الحجز ل سريرين منفصلين
بس العرب مايصعب عليهم شي لميتها على بعضها وانحلت


اليوم الاول برضه كالعاده الراحه بالفندق والعشاء بأقرب سوق
وطبعا اقرب وافضل موقع هو شارع العرب






















مجمع البافليون







هذا اعطيه صورتك ويرسمها لك رسم









بعدها تعشينا بمطعم (مندي حضرموت ) ياهو مندي ماشي كماه حتى بجده

وعودة للفندق والنوم



اليوم الثاني من الصباح مشينا الى حديقة الحيوانات ZOO Nigara
حديقة كبيرة تتعب وانت تمشي فيها
بس يومها الحيوانات كانت فاغره مدري يمكن عشان جيناهم الصبح وباقي مافطروا

































بعدها مشينا الى شلالات ( تلمبر بارك )


وبالطريق وقفني راعي التاكسي عند المياه الساخنه





سبحان الله مويا حااااار يطلع من جوف الارض وفيه علاج لامراض عديده





كان باستقبالنا عند مدخل الشلالات




اعدادهم بالمئات ويمشون حولك ويلعبون معك بكل لطف

الا بعض الشباب منهم عليهم حركات انحراف












عاد هذا ثالث واخر مكان فيه شلالات اروحه فما حبيت تفوتني الفرصه
شلحت ملابسي ودخلت وكان الوضع روووعه
مويااا باااارده ونظيفه تنزل عليك وكأنه احد يسوي لك مساج

وفي المساء كالعاده ع شارع العرب وتمشينا بمول رائع اسمه ( التايم سكوير )
عباره عن فندق فخم وبجواره مول وبعدها تعشينا بمطعم عربي وعالفندق

-----------------------------------------------------

اليوم الثالث كان الاروع وكان مخصص لمرتفعات ( جنتنق )
منطقه تبعد عن وسط العاصمه ساعه بالباص مرتفعه جدا .. جوها رااائع
تطلعها الصباح وترجع في المساء عن طريق تاكسي خاص
او عن طريق تذكره شامله ب 120 رنقت للشخص الواحد
وتحتوي على باص الذهاب + الاياب + التلفريك + الالعاب الخارجيه





























الفندق الاشهر بالمنطقه وتحته المول والالعاب ومحظة التلفريك





برضه حاطين جد العيله داخل الفندق








قعدنا نلعب ساعتين تقريبا والجو كله ضباب

وفجأة نزل مطر قوي جدا مع الضباب ولكم ان تتخيلوا الجو



































العاب داخل المول ومطاعم وتزلج واشياء كثير





اعطيه صورتك وينسخك بالصلصال او جبس اعتقد


كان يوم رائع وصلنا لوسط العاصمه بعد المغرب وبرضه لفه بشارع العرب والعشا وعالفندق



نراكم في الجزء الاخير






جدااوي غير متصل   رد مع اقتباس
قديم 23-06-2013, 01:47 PM   #7
جدااوي جدااوي غير متصل
طالب ماسي
 
الصورة الرمزية جدااوي

 










رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201




الجزء السابع والاخير


( كوالالمبور 2 )


اليوم الرابع كان مخصص لعالم ماتحت البحار (اكواريوم ) + البرجين ومول ( سواريه ) التابع لهم
مع الظهر تقريبا دخلنا عالم ماتحت البحار الرائع > الي عملوا شبيه له بجدة (فقيه اكواريوم )
مئات من انواع الكائنات الحيه الي شفتها والي اول مره والي اشكالها غريبه

اخليكم مع الصور








































زعلانه مابغت تتصور

















سلحفاه عملاااقه






القرش














قطع غيار الي وده يغير فكه








سبحان الله تولع الوان في الظلام












بعدها طلعنا ع سواريه مول الي تحت البرجين وتغدينا هناك

والعصر قعده في حديقة البرجين والساحه الى بعد المغرب









ع قولة كيمو .. الحبايب اثنين اثنين
























عروض النوافير الراقصه .. بس الي ب دبي غييير
















وفي المساء كالعاده ع شارع العرب والعشا وعالفندق


اليوم الخامس والاخير كان مخصص للتسوق والهدايا يعني للخساير على اصولها
من الصباح لاخير الليل واحنا ندور في المولات وشارع العرب والبسطات الشعبيه
ورجعنا الفندق نحزم الامتعه ونرتاح لرحله العودة


يوم المغادرة كانت ناقصتنا بعض الهدايا كملناها من المطار

وكانت بانتظارنا المحروسه




وفجأة وقت الاقلاع كان بوداعنا كم سحابه قطعت قلبي وتمنيت ارجع ازيد يومين









شوفوا المطر سبحان الله







وانتهت الرحلة بحمدلله وكل شي كان حسب المخطط له
وهذا بفضل الله ثم دعاء الوالدين ودعاء الطيبين امثالكم





















جدااوي غير متصل   رد مع اقتباس
قديم 23-06-2013, 01:49 PM   #8
جدااوي جدااوي غير متصل
طالب ماسي
 
الصورة الرمزية جدااوي

 










افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201







في الختام ..

الشكر موصول لكل من ساعدني ولو بمعلومه عن السفر عالنت او خارجه

وشكر من الاعماق للي صورت اغلب هالصور

ترى ماصورت الا كم حبه ماني فاضي لطقطقه الكام


وشكر خاص لمشرفه القسم ( هارت ) ع مساعدتها وحراستها للموضوع

نزلت تقريبا 220 صورة من اصل 1000 صورة واكثر بعد التنقيح وتطبيق قوانين المنتدى عليها

اتمنى تستفيد من التقرير ناس كثير وزي ماقلت بأول الموضوع ..

اي اسأله او استفسارات انا مستعد سواء بالموضوع او عالخاص

كل الي نبغاه دعوه طيبه منكم + ردودكم الحلوة

والسلام عليكم
جدااوي غير متصل   رد مع اقتباس
قديم 23-06-2013, 02:15 PM   #9
شايل همك ولا همك شايل همك ولا همك غير متصل
طالب ماسي
 
الصورة الرمزية شايل همك ولا همك

 











افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


الحمد لله اني اول واحد يرد

ابداااااع يا ابو فايز


لي تعليق فيما بعدين



التوقيع

‏تدري وش آللي حير الناس امرهـ

‏والناس تسأل خـفـوقي ،، عـلامـه

‏اني اشــيل بـ دآخـل القلب جــمرهـ

‏وأعــطي علـى كل الهموم إبتسامـه!!
شايل همك ولا همك غير متصل   رد مع اقتباس
قديم 23-06-2013, 03:32 PM   #10
نوميليا نوميليا غير متصل
مشرفة عالم حواء
 
الصورة الرمزية نوميليا
افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


تقرير جميل وشرحت فيه كل شي
والله يجعل حياتك كلها عسل
وتكررو السفره تاني
في مدينه تانيه وتسدحلنا الصور ..



التوقيع

سبحان الله وبحمده سبحان الله العظيم ..

سامحوني وحللوني
احبكم كلكم ..

تم التعديل من قٍبل الادارة
نوميليا غير متصل   رد مع اقتباس
قديم 23-06-2013, 06:28 PM   #11
العربي2004 العربي2004 غير متصل
طــالب
 
الصورة الرمزية العربي2004

 











افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


رجعتلي ذكريات شهر العسل في ماليزيا , الله يسعدك يارب



التوقيع

رأس الحكمـــــــــــــــــــــــــــة مخـــــــــــــــــــــــــــــــــــــافـــــة الله


Click Here
A H M E D
العربي2004 غير متصل   رد مع اقتباس
قديم 23-06-2013, 08:05 PM   #12
blushing girl blushing girl غير متصل
طالب ماسي

 










افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


التقرير رووعهـ ماشاء الله تبارك الله ..

احسنت ..

يدي تحكني وابغى احش بس قلت عيب خليني اخلي تعليقي بدون حش .. ..


وفي هاذي الصورة




ليكون هاذا الادمي معلقينو هنااك ..


يعطيك الف عاافيه ع التقرير وآميره ع اغلبية الصور و يارب ايامكم كلها عسل ..


التعديل الأخير تم بواسطة blushing girl ; 23-06-2013 الساعة 08:23 PM سبب آخر: المنتدى رفع ضغطي عشرميت مره احاول اعلق بالموضوع يعلق المنتدى فقلت النحس لسى مازال 100 % باقي شويات :P



التوقيع

آللهم نوّر مرقد والدي . . وَ عَطر مشهده وَ طيّب مضجعہ وَ آنس وحشتہ،

وَ نفّس كربتہ وَ قِہ عذآب القبر وَ فتنتهہ..

اللهم في كل دقيقہ تمر عليہ وهو في قبره أسألك أن تفتح لہ بابا تهب منہ نسائم الجنه لايسد أبدا ..

اللهم أمطر على قبره من سحائب رحمتك ..

اللهم آميين ..
blushing girl غير متصل   رد مع اقتباس
قديم 24-06-2013, 04:11 AM   #13
heart of love heart of love غير متصل
مشرفة عامة على القسم العام
 
الصورة الرمزية heart of love
رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


وعليكم السلام ورحمه الله وبركاته ..


ماشاء الله .. ابدعت في التقرير.. وابدعت المدام في التصوير ..

تقرير جميل ومفيد ..

راح يكون المرجع لنا بالمستقبل القريب باذن الله ..

يلا الرحله الثانيه تكون لباريس .. وعطنى احلى تقرير كمان ..

ربي يسعدكم ..ويخليكم لبعض ..


...
ولوو ماسوينا الا الواجب خيو ..


^.^.




heart of love غير متصل   رد مع اقتباس
قديم 24-06-2013, 11:35 AM   #14
W!SD0M W!SD0M غير متصل
مشرف الترحيب و تقوية اللغة الإنجليزية
 
الصورة الرمزية W!SD0M
افتراضي رد: **//.. يا غـايبه إلاَّ عن الـخـافِـق .. سـلام ..\\** [ رحلتي لـ مـالـيـزيـا 201


تقرير رائع وممتع

ذكرتني برحلتي

الله يديم السعادة والالفة بينكم

وكل سفرية وانت بخير
W!SD0M غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:53 AM.


Powered by vBulletin® Version 3.8.1, Copyright ©2000 - 2018, Jelsoft Enterprises Ltd. TranZ By Almuhajir
جميع المواضيع والمشاركات تعبر عن وجهة نظر أصحابها
ولا تعبر باي شكل من الاشكال عن وجهة نظر منتديات AOUA
تصميم وتطوير : التكنولوجيا الماسية